రకుల్ గురించి నెగటివ్ లేదన్న నాగ్

రేపు విడుదల కాబోతున్న మన్మథుడు 2 రిజల్ట్ పట్ల నాగ్ చాలా కాన్ఫిడెంట్ గా ఉన్నాడు. తన కెరీర్లోనే వన్ అఫ్ ది బెస్ట్ మూవీస్ గా చెప్పుకునే క్లాసిక్ టైటిల్ ని మరోసారి వాడుకున్న నాగ్ రెండో సినిమాకే దర్శకుడు రాహుల్ రవీంద్రన్ పై పూర్తి నమ్మకం పెట్టేశాడు. అయితే ఈ సినిమా ప్రమోషన్ మొదలైనప్పటి నుంచి ఏదో ఒక ఇష్యూ లో సోషల్ మీడియా బ్యాచ్ నాగ్ ని టార్గెట్ చేస్తూనే ఉన్నారు. బిగ్ బాస్ 3కి యాంకర్ గా మారడం గురించి ఏకంగా వీడియోలు వైరల్ చేసి పెట్టారు. దానికి టీవీ షోలోనే నాగ్ సమాధానం ఇవ్వాల్సి వచ్చింది.

ఇలాంటి వాటి పట్ల ఎప్పటికప్పుడు అలెర్ట్ గా ఉంటూ ఆన్ లైన్ ట్రెండ్స్ ని స్టడీ చేసే నాగ్ కు రకుల్ ని ఉద్దేశించి తాను గతంలో ఏదో నెగటివ్ గా కామెంట్ చేసినట్టుగా వచ్చిన వార్త గురించి మరోసారి ప్రస్తావనకు తెచ్చాడు. రకుల్ ప్రీత్ సింగ్ గురించి తన లుక్స్ గురించి తాను ఏనాడూ బ్యాడ్ గా కామెంట్ చేయలేదని చైతుతో రారండోయ్ వేడుక చూద్దాంలోనే బెస్ట్ పెర్ఫార్మర్ అని అర్థమైపోయింది పైగా హెల్త్ విషయంలో చాలా జాగ్రత్తగా ఉండే రకుల్ పట్ల ఎవరైనా రెండో అభిప్రాయం కలిగి ఉండరని కుండబద్దలు కొట్టేశాడు.

దీన్ని బట్టి నాగ్ ప్రతిదీ ఎంత క్షుణ్ణంగా స్టడీ చేస్తారో అర్థమవుతోంది కదా. చేతన్ భరద్వాజ్ సంగీతం అందించిన మన్మథుడు 2 సంగీతం కూడా ప్లస్ గా నిలుస్తుందట. కామెడీ విషయంలో అసలు మన్మథుడుకి ఏ మాత్రం తీసిపోని రీతిలో ఉంటుందని హామీ ఇస్తున్న నాగ్ మాటలు నిజమో కాదో తెలియాలంటే రేపటి దాకా వెయిట్ చేస్తే చాలు