ఇంద్రగంటి మొదలెట్టేశాడు

వైవిధ్యమై... అర్ధవంతమైన చిత్రాలను తెరకెక్కించడంలో ఇంద్రగంటిది ప్రత్యేకశైలి అని చెప్పొచ్చు. ‘అంతకు ముందు ఆ తరువాత’ తీసి హిట్లు లేక ఇబ్బంది పడుతున్న సుమంత్ ఖాతాలో ఓ విజయాన్ని వేశాడు. ఇటీవల నానితో “జెంటిల్ మెన్” లాంటి సూపర్ హిట్ చిత్రాన్ని రూపొందించి నాని కెరీర్లో బెస్ట్ సినిమాను అందించాడు. ఇప్పుడు అడివి శేష్-అవసరాల శ్రీనివాస్ హీరోలుగా ఎ గ్రీన్ ట్రీ ప్రొడక్షన్స్ పతాకంపై ఓ మల్టీ స్టారర్ ను తెరకెక్కించనున్నారు. కె.సి.నరసింహారావు నిర్మించనున్న ఈ చిత్రంలో “అంతకు ముందు ఆ తర్వాత” ఫేమ్ ఈష... అదితి మ్యానికల్ కథానాయికలుగా నటిస్తున్నారు.

అలానే స్టార్ కమెడియన్ వెన్నెల కిషోర్ ఓ ముఖ్యపాత్ర పోషించనున్నాడు. ఔట్ అండ్ ఔట్ కామెడీ ఎంటర్ టైనర్ గా తెరకెక్కనున్న ఈ చిత్రం ఈ రోజే ప్రారంభమైంది. అతనితో పాటు తనికెళ్ళ భరణి.. కమెడియన్ అనంత్.. మధుమణి.. శ్యామల తదితరులు నటిస్తున్నారు.

 ఈ సందర్భంగా చిత్ర నిర్మాత కె.సి.నరసింహారావు మాట్లాడుతూ “నేడు పూజా కార్యక్రమాలతో పాటు రెగ్యులర్ షూట్ కూడా మొదలుపెట్టనున్నాం. అడివి శేష్ - అవసరాల శ్రీనివాస్ లు కథానాయకులుగా నటిస్తున్న ఈ చిత్రానికి మణిశర్మ గారు సంగీతం అందిస్తారు. పి.జి.విందా కెమెరా బాధ్యతలు నిర్వహించనున్నారు” అన్నారు.

Like Us on Facebook : https://www.facebook.com/Tupakidotcom/