అంత సీన్ ఉందా అలియా

రామ్ చరణ్ చీలమండకు గాయం కావడం వల్ల మూడు వారాల పాటు బ్రేక్ తీసుకున్న ఆర్ ఆర్ ఆర్ టీమ్ ప్రస్తుతం రెస్ట్ లో ఉంది. పనిలో పనిగా చెర్రీ బాబాయ్ పవన్ కళ్యాణ్ ను పరామర్శించడం కోసం నేరుగా నిన్న బెజవాడ వెళ్ళిపోయాడు. జూనియర్ ఎన్టీఆర్ నగరంలోనే ఉంటాడా లేక ఏదైనా షార్ట్ ట్రిప్ ప్లాన్ చేశాడా ఇంకా క్లారిటీ లేదు. ఇదిలా ఉండగా చరణ్ సరసన హీరోయిన్ గా ఎంపికైన అలియా భట్ ఆర్ ఆర్ ఆర్ కోసమే తెలుగు నేర్చుకుంటున్నట్టుగా ఏకంగా ఓ ట్యూటర్ ని పెట్టుకుని క్లాసులు చెప్పించుకుంటున్నట్టుగా నిన్నో కొత్త ప్రచారం మొదలైంది.

వాస్తవానికి ఆర్ ఆర్ ఆర్ లో అలియా చేయబోతున్న సీత పాత్ర పెర్ఫార్మన్స్ ఓరియెంటెడ్ అయినప్పటికీ చరణ్ తారక్ లకు ధీటుగా అంత స్పాన్ ఉన్నదైతే ఖచ్చితంగా ఉండదు. దానికి తోడు అలియా భట్ చేతిలో ఒకటి కాదు ఏకంగా నాలుగు భారీ ప్రాజెక్ట్స్ లో భాగస్వామిగా ఉంది. కాల్ షీట్స్ సర్దడమే పెద్ద ఛాలెంజ్ గా ఉంటె ఇక తెలుగు నేర్చుకోవడం కూడానా

నిజానికి అలియా భట్ లాంటి టాలెంటెడ్ నటికి ఇదంతా అవసరం లేదు. పైగా సాధారణంగా బాలీవుడ్ హీరోయిన్లను తీసుకున్నప్పుడు సీన్ ని వివరించి  డైలాగులు ఇంగ్లీష్ లోనో లేదా హిందిలోనో రాసిచ్చి ప్రాక్టీస్ చేయిస్తారు. అంతే తప్ప ఇలా ఏకంగా ట్యూషన్లు పెట్టించుకోరు. త్వరలో రీ స్టార్ట్ కాబోయే కొత్త షెడ్యూల్ లో అలియా ఉంటుందా లేక తర్వాత జాయిన్ అవుతుందా ఇంకా స్పష్టత రావాల్సి ఉంది.

డైసీని తప్పించడంతో జూనియర్ ఎన్టీఆర్ సరసన ఎవరు చేస్తారా అనే కొత్త సస్పెన్స్ మొదలైంది. అలియా భట్ పాత్రలో కొంత త్యాగపూరిత షేడ్స్ ఉంటాయని ఇన్ సైడ్ టాక్ ఉంది. స్వంతంగా డబ్బింగ్ చెప్పే అవకాశాలు కొట్టిపారేయలేం కానీ అంత డెప్త్ ఉన్న రోల్ అవునో కాదో తెలియాల్సి ఉంది.