నితిన్ ఫైన‌ల్ గా అలెర్ట్ అయిన‌ట్టేనా?

యంగ్ హీరో నితిన్ కెరీర్ మ‌ళ్లీ గాడి త‌ప్పుతూ వ‌స్తోంది. గ‌తంల వ‌రుస ఫ్లాపుల త‌రువాత `ఇష్క్` మూవీతో స‌క్సెస్ ల బాట ప‌ట్టిన విష‌యం తెలిసిందే. ప‌ద‌కొండ ఫ్లాపుల త‌రువాత స‌క్సెస్ బాట ప‌ట్టిన నితిన్ ఆ త‌రువాత వ‌రుస విజ‌యాల్ని త‌న ఖాతాలో వేసుకుంటూ వ‌చ్చాడు. ఆ త‌రువాత మ‌ళ్లీ త‌డ‌బ‌డ్డాడు.. రెండు ఫ్లాపులు చూశాడు. అప్పుడే గురూజీ త్రివిక్ర‌మ్ `అఆ`తో బ్లాక్ బ‌స్ట‌ర్ హిట్ ని అందించ‌డంతో నితిన్ కెరీర్ మ‌ళ్లీ గాడిన ప‌డింది.

ఈ మూవీతో తొలిసారి రూ. 75 కోట్ల వ‌ర‌కు వ‌సూళ్ల‌ని రాబట్టి ఆశ్చ‌ర్య‌ప‌రిచాడు. అయితే ఈ హిట్ ఉంతో కాలం నిల‌వ‌లేదు.. మ‌ళ్లీ వ‌రుస‌గా మూడు ఫ్లాపులు చూశాడు. `భీష్మ‌`తో మ‌ళ్లీ స‌క్సెస్ ట్రాక్ లోకి వ‌చ్చేశాడు. అయితే త‌రువాత మ‌ళ్లీ నాలుగు ఫ్లాపులు ఎదురై నితిన్ ని క‌ల‌వ‌రానికి గురిచేస్తున్నాయి. ఏరి కోరి చేసిన మాస్ట్రో, మాచ‌ర్ల నియోజ‌క వ‌ర్గం కూడా ఫ్లాప్ కావ‌డంతో నితిన్ కెరీర్ మ‌ళ్లీ డేంజ‌ర్ లో ప‌డిపోయింది. మ‌ళ్లీ నితిన్ వెన‌క‌బ‌డిపోవ‌డం మొద‌లైంది.  

స్టార్ హీరోలు, త‌న స్థాయి హీరోలంతా పాన్ ఇండియా సినిమాలంటూ దూకుడుగా ముందుకు సాగుతున్న వేళ నితిన్ మాత్రం వరుస ఫ్లాపుల‌తో స‌త‌మ‌తం కావ‌డం అభిమానులని క‌ల‌వ‌రానికి గురిచేస్తోంది. వ‌రుస‌గా హ్యాట్రిక్ ఫ్లాపుల త‌రువాత నితిన్ స్టెప్ ఏంటీ? మ‌ళ్లీ అవే త‌ప్పులు పున‌రావృతం చ ఏయ‌బోతున్నాడా?.. ఇంత‌కీ నితిన్ త‌దుప‌రి సినిమా ఎవ‌రితో అనే ఆస‌క్తి అంద‌రిలో మొద‌లైంది. ఈ నేప‌థ్యంలో వ‌క్కంతం వంశీ తో క్రేజీ ప్రాజెక్ట్ కు శ్రీ‌కారం చుట్టాడు నితిన్. వ‌క్క‌తం వంశీతో సినిమా అన‌గానే కొంత వ‌ర‌కు ఫ్యాన్స్ కంగారు ప‌డినా ఈ సారి దెబ్బ‌తిన్న ఇద్ద‌రూ క‌లిసి చేస్తున్న సినిమా కావ‌డంతో అంద‌రిలోనూ ఆస‌క్తి మొద‌లైంది.  

ఈ ప్రాజెక్ట్ ప్ర‌క‌టించిన త‌రువాత క‌థ విష‌యంలో, ట్రీట్మెంట్ విష‌యంలో, స్క్రీన్ ప్లే విష‌యంలో ..క్యారెక్ట‌ర్ ని డిజైన్ చేసిన విష‌యంలో.. ఇలా ప్ర‌తీ విష‌యంలోనూ పూర్తి స్థాయిలో ప‌ర్ ఫెక్ట్ అనుకున్న త‌రువాత ఈ ప్రాజెక్ట్ ని నితిన్ ప‌ట్టాలెక్కించాల‌నుకున్నాడ‌ట‌. ఆ కార‌ణంగానే ఈ మూవీ స్క్రిప్ట్ వర్క్ పక్కాగా పూర్త‌యిన త‌రువాతే సెట్స్ పైకి తీసుకెళ్లారు. నితిన్ ఫాద‌ర్ సుధాక‌ర్ రెడ్డి నిర్మిస్తున్న ఈ మూవీ రెగ్యుల‌ర్ షూటింగ్ ఆదివారం మొద‌లైంది.

ఈ సంద‌ర్భంగా నితిన్ ప్రీలుక్ ని అభిమానుల‌తో పంచుకున్నాడు. బ్లాక్ ష‌ర్ట్‌..గ‌డ్డం.. క‌ళ్ల‌కు గాగుల్స్ ధ‌రించి క‌నిపిస్తున్న నితిన్ ప్రీ లుక్ సినిమాపై అంచ‌నాల్ని పెంచేస్తోంది. మారేడుమిల్లి ఫారెస్ట్ లో రెగ్యుల‌ర్ షూటింగ్ మొద‌లైంది. ఇందులో నితిన్ లారీ డ్రైవ‌ర్ గా ప‌క్కా మాసీవ్ పాత్ర‌లో స్మ‌గ్ల‌ర్ గా క‌నిపించ‌నున్నాడ‌ట‌. శ్రీ‌లీల హీరోయిన్ గా న‌టిస్తున్న ఈ మూవీకి హ‌రీష్ జైరాజ్ సంగీతం అందిస్తున్నారు. నితిన్ ప్రీలుక్ మేకోవ‌ర్.. మూవీ నేప‌థ్యాన్ని బ‌ట్టి నితిన్ ఫైన‌ల్ గా అలెర్ట్ అయిన‌ట్టున్నాడ‌నే కామెంట్ లు వినిపిస్తున్నాయి.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.