ఇంతకీ అఖిల్ జోడి ఎవరు ?

టాలీవుడ్ లో మోస్ట్ వాంటెడ్ హీరొయిన్ గా మారిపోయిన పూజా హెగ్డేను సీనియర్లు మొదలుకుని జూనియర్ల దాకా అందరూ తననే కావాలని డిమాండ్ చేస్తున్నారు. రెమ్యునరేషన్ ఎంత అనే విషయాన్ని అసలు పట్టించుకోవడం లేదు. ఇప్పటికే అరవింద సమేత వీర రాఘవ-మహర్షి రెండు బ్లాక్ బస్టర్లు తన ఖాతాలో వెసుకున్న పూజా ప్రస్తుతం అల్లు అర్జున్-ప్రభాస్ సినిమాలతో యమా బిజీగా ఉంది. ఇవి చాలవు అన్నట్టు బాలీవుడ్ ఆఫర్లు అదనం. వాల్మీకిలో తన మొదటి హీరో వరుణ్ తేజ్ తో మరోసారి జట్టు కట్టడం ఇప్పటికే న్యూస్ లో ఉంది.

తాజాగా అక్కినేని నాగార్జున రెండో వారసుడు అఖిల్ కోసం పూజా హెగ్డేని సెట్ చేసే ప్లాన్ జరుగుతున్నట్టు తెలిసింది. బొమ్మరిల్లు భాస్కర్ దర్శకత్వంలో గీతా ఆర్ట్స్ 2 బ్యానర్ పై బన్నీ వాస్ నిర్మిస్తున్న చిత్రం ఈ నెలాఖరు నుంచి రెగ్యులర్ షూటింగ్ జరుపుకోబోతోంది. హీరొయిన్ ఎవరో ఇప్పటిదాకా ప్రకటించ లేదు. ఈ గాసిప్ నిజమే అయితే పూజా అఖిల్ జోడిని తెరమీద చూడొచ్చు. కాని మరో టాక్ ఏంటంటే మరో ఫ్రెష్ బ్యూటీ కోసం ట్రై చేస్తున్నారట.

కాని ఇప్పటిదాకా అఖిల్ నటించిన మూడు సినిమాల్లోనూ కొత్త అమ్మాయిలనే పరిచయం చేశారు. ఏదీ వర్క్ అవుట్ కాలేదు. ఒకవేళ ఇది సెంటిమెంట్ గా ఫీలయితే పూజానో లేదా ఫాంలో ఉన్న వేరే హీరొయినో ఓకే చేయాల్సి ఉంటుంది. ఏదన్నా ఇంకో పది రోజుల లోపే ఫిక్స్ అయిపోవాలి. అసలే ఖచ్చితంగా హిట్ కొట్టాల్సిన టార్గెట్ తో రూపొందబోయే సినిమా. బొమ్మరిల్లు భాస్కర్ కు కంబ్యాక్ కావడానికి ఇంత కన్నా మంచి ఛాన్స్ దొరకదు. మరి అఖిల్ 4లో ఆడిపాడే హీరొయిన్ ఎవరో ఇంకొద్ది రోజుల్లో తెలిసిపోతుంది