రాఘవేంద్రరావు.. అది మాత్రం వదలట్లేదుగా

భక్తి చిత్రాల్లో కూడా రక్తి చూపించడం రాఘవేంద్రరావుకే చెల్లింది. ‘అన్నమయ్య’ లాంటి ఆధ్యాత్మిక చిత్రాల్లోనూ తనదైన శైలిలో రొమాన్స్ పండించి ఔరా అనిపించాడు దర్శకేంద్రుడు. ఆ తర్వాత ‘శ్రీరామదాసు’.. ‘పాండు రంగడు’ సినిమాల్లోనూ తన శైలి వదల్లేదు. ఇప్పుడు ‘ఓం నమో వెంకటేశాయ’లో కూడా దర్శకేంద్రుడి ముద్ర ఉంటుందని.. ఈ మధ్య లాంచ్ చేసిన ప్రగ్యా జైశ్వాల్ ఫస్ట్ లుక్.. నాగార్జున-ప్రగ్యా కలిసున్న ఫొటో స్పష్టం చేశాయి. ఐతే రాఘవేంద్రుడు ఇంతటితో ఆగట్లేదు. ఈ సినిమాల మరో జంటతోనూ రొమాన్స్ పండిస్తున్నాడు. ఆ జంట జగపతిబాబు-విమలా రామన్.

‘ఓం నమో వెంకటేశాయ’ సినిమాలో విమలా రామన్ కూడా ఉందన్న సంగతి తెలుసు. కానీ ఆమె పాత్ర ఏంటో.. ఆమె నాగార్జునకే జోడీగా నటిస్తోందా లేదా అన్నది క్లారిటీ లేదు. విమల జగపతికి జోడీ అని ఇప్పుడే తెలిసింది. ‘అన్నమయ్య’లో మోహన్ బాబు తరహాలో జగపతి ఇందులో రసికత ఉన్న రాజు పాత్రలో కనిపించబోతున్నాడట. అస్మదీయ తకథిమి.. తరహాలో ఇందులో జగపతి-విమల మీద ఓ రొమాంటిక్ సాంగ్ కూడా ఉంటుందని సమాచారం. గాయం-2.. చట్టం లాంటి సినిమాల్లో జగపతి-విమల కలిసి ఎలా రెచ్చిపోయారో తెలిసిందే. ఐతే ఆ సినిమాల జానర్లు వేరు. ‘నమో వెంకటేశాయ’ లాంటి భక్తి చిత్రంలో రాఘవేంద్రరావు స్టయిల్లో వాళ్లెలా రొమాన్స్ పండిస్తారో చూడాలి.


Like Us on Facebook : https://www.facebook.com/Tupakidotcom/