‘నాన్నకు ప్రేమతో’ను దాటుతుందా?

 టాక్ ఎలా ఉన్నా.. ‘జనతా గ్యారేజ్’ బాక్సాఫీస్ దగ్గర దూసుకెళ్తోంది. తొలి రోజే ప్రపంచ వ్యాప్తంగా రూ.28 కోట్ల షేర్ కలెక్ట్ చేసి నాన్-బాహుబలి రికార్డుకు చేరువగా వచ్చింది ఎన్టీఆర్-కొరటాల సినిమా. తెలుగు రాష్ట్రాల్లో కంటే కూడా అమెరికాలో ఈ సినిమాకు రెస్పాన్స్ బాగుంది. తొలి రోజే హాఫ్ మిలియన్ క్లబ్బులోకి చేరిపోయిందీ సినిమా. ప్రిమియర్లతో కలుపుకుని 5.6 లక్షల డాలర్ల దాకా వసూలు చేసిన ఈ సినిమా.. రెండో రోజు కూడా అదరగొట్టింది. దాదాపు 4 లక్షల డాలర్లు కలెక్ట్ చేసింది. ప్రిమియర్లతో కలిపి రెండవ రోజు పూర్తయ్యే సరికి ‘జనతా గ్యారేజ్’ 9.5 లక్షల డాలర్లు వసూలు చేసి.. మిలియన్ క్లబ్బుకి అత్యంత చేరువగా వచ్చింది.

పాజిటివ్ టాక్ తెచ్చుకున్న ‘నాన్నకు ప్రేమతో’ కంటే కూడా డివైడ్ టాక్ వచ్చిన ‘జనతా గ్యారేజ్’కే వసూళ్లు ఎక్కువుండటం విశేషం. ఐతే ‘నాన్నకు ప్రేమతో’కు విపరీతమైన పోటీ ఉంది సంక్రాంతికి. ‘జనతా గ్యారేజ్’కు ఆ ఇబ్బంది లేదు. పైగా హైప్ కూడా ఎక్కువుంది. ఇంకో మూడు రోజుల్లో కలెక్షన్లు స్టడీగా ఉంటే.. సినిమా 1.7-1.8 మిలియన్ల వరకు కలెక్ట్ చేస్తుందని భావిస్తున్నారు.  ‘నాన్నకు ప్రేమతో’ కొంచెం కష్టంగా 2 మిలియన్ మార్కును అందుకుంది. ‘జనతా గ్యారేజ్’ ఈజీగానే ఆ క్లబ్బులోకి అడుగుపెట్టేలా కనిపిస్తోంది. ఓవరాల్‌ గా కూడా ‘జనతా గ్యారేజ్’ ఎన్టీఆర్ కెరీర్లో హైయెస్ట్ గ్రాసర్ కావడం లాంఛనమే కావచ్చు. రెండు రోజుల్లోనే రూ.35 కోట్ల షేర్ కలెక్ట్ చేసిన ఈ సినిమా ఫుల్ రన్లో రూ.60 కోట్ల మార్కును దాటొచ్చని అంచనా.