సినీ ఇండస్ట్రీని కొన్నేళ్లపాటు ఏలిన అతిలోక సుందరి శ్రీదేవి కూతురు జాన్వీ కపూర్ 'దఢక్' సినిమాతో హీరోయిన్ గా సిల్వర్ స్క్రీన్ పై మెరిసింది. మరాఠీ సినిమా 'సైరాత్' కి రీమేక్ గా తెరకెక్కిన ఈ సినిమా ఆశించినంతగా విజయం సాధించలేదు. అయినప్పటికీ అమ్మడు తన అభినయంతో గ్లామర్ తో మంచి గుర్తింపునే దక్కించుకుంది. ఫస్ట్ సినిమాతో ఊహించని ఫలితాన్ని అందుకున్న జాన్వీ కపూర్ ఆ తరువాత 'ఘోస్ట్ స్టోరీస్' అనే ఒక వెబ్ సిరీస్ లో నటించింది. లేటెస్టుగా 'గుంజన్ సక్సేనా: ద కార్గిల్ గర్ల్' సినిమాలో టైటిల్ రోల్ ప్లే చేసింది జాన్వీ. కార్గిల్ యుద్ధంలో పాల్గొన్న మొట్ట మొదటి లేడీ పైలెట్ గుంజన్ సక్సేనా జీవిత కథ ఆధారంగా వస్తున్న ఈ బయోపిక్ గతేడాది డిసెంబర్ లోనే పూర్తయింది. అయితే ఇండస్ట్రీలో నెలకొనియున్న పరిస్థితుల వలన రిలీజ్ కాలేదు. ఈ చిత్రానికి శరణ్ శర్మ దర్శకత్వం వహించారు. ప్రముఖ నిర్మాత కరణ్ జోహార్ ధర్మ ప్రొడక్షన్స్ మరియు జీ స్టూడియోస్ సంయుక్తంగా నిర్మించాయి. ఈ చిత్రాన్ని ప్రముఖ ఓటీటీ ఫ్లాట్‌ ఫామ్ నెట్‌ ఫ్లిక్స్‌ లో స్వాతంత్ర్య దినోత్సవ కానుకగా విడుదల చేయనున్నారు.
ఇదిలా ఉండగా జాన్వీ కపూర్ ఓ మలయాళ సినిమాపై మనసు పారేసుకుందట. మలయాళంలో గతేడాది రిలీజై సూపర్ హిట్ అయిన 'హెలెన్' చిత్రాన్ని ఇటీవల చూసిన జాన్వీ ఈ సినిమా రీమేక్ లో నటించాలని ఆశపడుతోందట. సర్వైవల్ థ్రిల్లర్ జోనర్ లో తెరకెక్కిన ఈ సినిమా స్వతంత్ర భావాలు కలిగిన ఓ యువతి అనుకోకుండా ఓ కోల్డ్ స్టోరేజ్‌ లో చిక్కుకుని ఎలాంటి సమస్యలు ఎదుర్కొంది.. అక్కడ నుండి ఎలా బయటపడింది అనే నేపథ్యంలో ఉంటుంది. అన్నా బెన్ - లాల్ - నోబుల్ బాబు థామస్ ప్రధాన పాత్రల్లో రూపొందిన ఈ చిత్రానికి ముత్తుకుట్టి జేవియర్ దర్శకత్వం వహించగా వినీత్ శ్రీనివాసన్ నిర్మించారు. ఇప్పటికే ఈ సినిమాని తమిళ్ మరియు కన్నడ భాషలలో రీమేక్ చేస్తున్నారు. ఇక తెలుగులో కూడా రీమేక్ చేయాలని పలు నిర్మాణ సంస్థలు ప్రయత్నాలు చేస్తున్నాయని సమాచారం. ఈ నేపథ్యంలో ఇప్పుడు 'హెలెన్'ని హిందీలో రీమేక్ చేస్తే జాన్వీ కపూర్ లీడ్ రోల్ పోషించనుందట. ఇదే కనుక నిజమైతే జాన్వీకి మరో ఛాలెంజింగ్ రోల్ దొరికినట్లే అని చెప్పవచ్చు.
ఇదిలా ఉండగా జాన్వీ కపూర్ ఓ మలయాళ సినిమాపై మనసు పారేసుకుందట. మలయాళంలో గతేడాది రిలీజై సూపర్ హిట్ అయిన 'హెలెన్' చిత్రాన్ని ఇటీవల చూసిన జాన్వీ ఈ సినిమా రీమేక్ లో నటించాలని ఆశపడుతోందట. సర్వైవల్ థ్రిల్లర్ జోనర్ లో తెరకెక్కిన ఈ సినిమా స్వతంత్ర భావాలు కలిగిన ఓ యువతి అనుకోకుండా ఓ కోల్డ్ స్టోరేజ్‌ లో చిక్కుకుని ఎలాంటి సమస్యలు ఎదుర్కొంది.. అక్కడ నుండి ఎలా బయటపడింది అనే నేపథ్యంలో ఉంటుంది. అన్నా బెన్ - లాల్ - నోబుల్ బాబు థామస్ ప్రధాన పాత్రల్లో రూపొందిన ఈ చిత్రానికి ముత్తుకుట్టి జేవియర్ దర్శకత్వం వహించగా వినీత్ శ్రీనివాసన్ నిర్మించారు. ఇప్పటికే ఈ సినిమాని తమిళ్ మరియు కన్నడ భాషలలో రీమేక్ చేస్తున్నారు. ఇక తెలుగులో కూడా రీమేక్ చేయాలని పలు నిర్మాణ సంస్థలు ప్రయత్నాలు చేస్తున్నాయని సమాచారం. ఈ నేపథ్యంలో ఇప్పుడు 'హెలెన్'ని హిందీలో రీమేక్ చేస్తే జాన్వీ కపూర్ లీడ్ రోల్ పోషించనుందట. ఇదే కనుక నిజమైతే జాన్వీకి మరో ఛాలెంజింగ్ రోల్ దొరికినట్లే అని చెప్పవచ్చు.