న‌ట వార‌సురాలి ఎంట్రీపై త‌ప్పుడు ప్ర‌చార‌మా?

నిప్పు లేనిదే పొగ రాదు. చిన్న లీక్ అందితే చాలు.. దానికి కొన‌సాగింపుగా పుంఖానుపుంఖాలుగా మీడియా క‌థ‌నాలు వెలువ‌డుతుంటాయి. అయితే గ్లామ‌ర్ రంగానికి సంబంధించి చాలా వ‌ర‌కూ గాసిప్ వార్త‌లే ఉంటాయ‌న్న‌ది తెలిసిందే. శ్రీ‌దేవి న‌ట‌వార‌సురాలు జాన్వీ క‌పూర్ టాలీవుడ్ ఎంట్రీ పై ఇప్ప‌టివ‌ర‌కూ వ‌చ్చిన క‌థ‌నాలు ఇదే త‌ర‌హా. అయితే ఈ వార్త‌ల్లో ఏది నిజం?  ఏది అబ‌ద్ధం? అన్న‌దానిపై స్ప‌ష్ఠ‌త కొర‌వ‌డింది.

జాన్వీ త్వ‌ర‌లోనే ఎన్టీఆర్ స‌ర‌స‌న టాలీవుడ్ లో ఆరంగేట్రం చేయ‌నుంద‌ని ఇటీవ‌ల క‌థ‌నాలొస్తున్నాయి. నిజానికి జాన్వీ తెలుగులో న‌టించేందుకు ఆస‌క్తిగా లేద‌ని అందుకే తార‌క్ కి నో చెప్పింద‌ని కూడా చాలా కాలం క్రితం వార్త‌లు వ‌చ్చాయి. కానీ అవేవీ నిజాలు కాద‌ని తాజాగా జాన్వీ చేసిన వ్యాఖ్య‌లు చెబుతున్నాయి. ఓ ఇంట‌ర్వ్యూలో జాన్వీ మాట్లాడుతూ-``ఎన్టీఆర్ సర్ తో పనిచేసే ఛాన్స్ ద‌క్కితే అది నాకు చాలా ఇష్టం.

నేను దానికి ఓపెన్ గా ఉన్నాను. కానీ దురదృష్టవశాత్తు అవకాశం ఇంకా రాలేదు. నేను వేచి చూస్తున్నాను..అదంతా నిజ‌మ‌వుతుందని ఆశిస్తున్నాను`` అని ఎంతో విన‌మ్రంగా నివేదించింది జాన్వీ.

జాన్వీ వ్యాఖ్య‌ల‌తో ఇప్ప‌టికి దీనిపై ఒక క్లారిటీ వ‌చ్చిన‌ట్ట‌య్యింది. సాధ్య‌మైనంత తొంద‌ర్లోనే జాన్వీ ఆరంగేట్రం సాధ్య‌మేన‌ని కూడా క్లారిటీ వ‌చ్చింది. తార‌క్ తో కొర‌టాల సినిమాలో న‌టిస్తుందా?  లేక తార‌క్ -బుచ్చిబాబు స‌నా సినిమాలో న‌టిస్తుందా? అన్న‌దానిపై క్లారిటీ రావాల్సి ఉంది.

అదంతా రూమ‌ర్ కింగ్స్ ప‌నే..!

ఇంత‌కీ తార‌క్ స‌ర‌స‌న జాన్వీ కానీ బాలీవుడ్ నాయిక‌లు కానీ న‌టించేందుకు ఆస‌క్తిగా లేరు! అన్న ప్ర‌చారం కూడా ఒకానొక ద‌శ‌లో సాగింది. జాన్వీ కంటే ముందు కియ‌రాని సంప్ర‌దిస్తే త‌ను శంక‌ర్ సినిమాలో న‌టించేందుకు జంప్ అయ్యింద‌ని కూడా గుస‌గుస‌లు వినిపించాయి. అయితే ఇలాంటివి ప్ర‌చారం చేసింది ఎవ‌రు? ఒక సెక్ష‌న్ మీడియా అదే ప‌నిగా త‌ప్పుడు ప్ర‌చారం చేసిందా? అంటే ప్ర‌తిదీ రూమ‌ర్ల మీడియా ప‌నేన‌ని భావించాల్సి ఉంటుంది.