న‌ట వార‌సురాలు భ‌య‌ప‌డింద‌ట‌!

న‌ట‌వార‌స‌త్వం (నెపోటిజం) అన్ని వేళ‌లా హాట్ టాపిక్. ఇది కేవ‌లం టాలీవుడ్ బాలీవుడ్ వ‌ర‌కే ప‌రిమితం కాదు. అన్ని ప‌రిశ్ర‌మ‌ల్లోనూ ఉన్న‌దే. కేవ‌లం వినోద ప‌రిశ్ర‌మ‌కే వ‌ర్తించ‌దు.. అన్ని రంగాల్లోనూ ఉన్న‌దే. అయితే సినీప‌రిశ్ర‌మ‌లో న‌ట‌వార‌సుల వెల్లువ‌పై అప్పుడప్పుడు విమ‌ర్శ‌లు త‌ప్ప‌దు. అయితే ఇలాంటి వాతావ‌ర‌ణం వ‌ల్ల న‌ట‌వారసులుగా రంగ ప్ర‌వేశం చేసేవారి పరిస్థితి ఎలా ఉంటుందో జాన్వీ క‌పూర్ స్వ‌యంగా వెల్ల‌డించింది.

ధ‌డ‌క్ టైమ్ లో ఆ ఒత్తిడిని తాను ఇషాన్ ఖ‌త్త‌ర్ ఇద్ద‌రం ఎదుర్కొన్నామ‌ని తెలిపిన జాన్వీ.. తాను మాత్రం నిరూపించుకుని తీర‌తాననే ప‌ట్టుద‌ల‌తో వేచి చూసింద‌ట‌. ఒక్కోసారి న‌ట‌వార‌స‌త్వం అనే బాధ్య‌త భ‌య‌పెట్టేదిగా ఉంటుంద‌ని జాన్వీ పేర్కొంది. అన్నిటినుంచి బ‌య‌ట‌ప‌డి త‌మ‌ను తాము నిరూపించుకోగ‌ల‌మ‌న్న ధీమాను వ్య‌క్తం చేసింది.

అన్న‌ట్టు జాన్వీ ఇప్ప‌టికిప్పుడు వ‌రుస‌గా సినిమాల్లో న‌టిస్తూ క్ష‌ణం తీరిక లేకుండా ఉంది అంటే న‌ట‌వార‌సురాలిగా నిరూపించింద‌నే అర్థం. రాజ్ కుమార్ రావుతో కలిసి నటించిన రూహి అఫ్జానా రిలీజ్ కి రానుంది. దోస్తానా 2 లో కార్తీక్ ఆర్యన్ .. లక్ష్య వంటి స్టార్ల‌తో కలిసి న‌టిస్తోంది. వైమానిక ద‌ళ అధికారిణి గుంజన్ సక్సేనా బయోపిక్ తో పాటు కరణ్ జోహార్ మ‌ల్టీస్టార‌ర్ `తఖ్త్` లోనూ ఓ నాయిక‌గా న‌టిస్తోంది.