ఇలా పేకాడే లారీ డ్రైవ‌ర్ అంటించాడు సుమీ!

లాక్ డౌన్ తో సెల‌బ్రిటీలంతా ఇళ్ల‌కే ప‌రిమిత‌మ‌య్యారు.  టైమ్ పాస్ చేయ‌డ‌మెలానో తెలీక స‌త‌మ‌త‌మ‌వుతున్నారు. కొంత మంది వంటలో చేతి వాటం చూపిస్తున్నారు. మ‌రికొంద‌రు జిమ్ లు..యోగాలు అంటూ అందానికి  మెరుగులు దిద్దుతున్నారు. ఇంకొంద‌రు లాక్ డౌన్ ని కేర్ చేయ‌కుండా య‌థేచ్ఛ‌‌గా ఫోటో షూట్ల‌తో ప్ర‌చారానికి దిగుతున్నారు. ఇలాంటి ఎన్ని చేసినా లైఫ్ లో రెగ్యుల‌ర్ అనిపించుకుంటాయి. అందుకే ఇంకేదైనా కొత్త‌గా చేయాల‌ని భావించిన‌ట్టే క‌నిపిస్తున్నారు క‌పూర్ గాళ్స్. ఈ లాక్ డౌన్ ని జీవితాంతం గుర్తుంచుకునేలా జాన్వీ-ఖుషీ సిస్ట‌ర్స్ ఏం చేశారో తెలుసా? బోనీ కపూర్ వార‌సురాళ్లు ఫ్యామిలీ స‌మేతంగా చాలా డిఫ‌రెంటుగానే ప్లాన్ చేశారు మ‌రి!

ఇంత‌కీ ఏమిటా స్పెష‌ల్ గేమ్? అంటే.. క‌పూర్ ఫ్యామిలీ చ‌ట్ట విరుద్దంగా ఇంట్లోనే పేకాట (కార్డ్ ప్లే) ఆడుతున్నారు. అంతా క‌లిసి ముక్క‌లాటను అధికారికం చేసేశారు. బోనీ క‌పూర్ కూతుళ్లు జాన్వీ క‌పూర్- ఖుషీ క‌పూర్ క‌లిసి సీరియ‌స్ గా కార్స్డ్ ఆడుతూ టైంపాస్ చేస్తున్నారు. ఖుషీ పొట్టి నిక్క‌రుతో పేకాట సెష‌న్స్ లో హీట్ పెంచేయ‌గా..  జాన్వీ వైట్ టీష‌ర్ట్ లో క్యాజువ‌ల్ గా క‌నిపించింది. ప్ర‌స్తుతం ఈ పేకాట స‌న్నివేశం ఫోటోల రూపంలో సోష‌ల్ మీడియాలో జోరుగా వైరల‌వుతోంది. వీటిపై సోష‌ల్ జ‌నం కామెంట్ల‌తో చెల‌రేగిపోతున్నారు. ``బోనీ ఫ్యామిలీ ఏకంగా ఇంట్లోనే దుకాణం పెట్టేసారేమిటి..?  చ‌ట్ట విరుద్ధంగా ఈ ఆట ఏమిటి? పోలీసులు చూస్తే క్వారంటైన్లో వేసేయ‌గ‌లరు.. త‌స్మాత్ జాగ్ర‌త్త‌!! అంటూ స‌ర‌దా కామెంట్లు పెడుతున్నారు.

ఇటీవ‌లే ఏపీలో ఓ లారీ డ్రైవ‌ర్ పేకాడి 15 మందికి క‌రోనా వైర‌స్ అంటించిన సంగ‌తి మ‌రిచారా? అంటూ బోనీ ఫ్యామిలీకి కొంద‌రు సోష‌ల్ మీడియాల్లో గుర్తు చేస్తుండ‌డం హాట్ టాపిక్ గా మారింది. ప్ర‌స్తుతం జాన్వీ   చేతిలో రెండు మూడు సినిమాలున్నాయి. లాక్ డౌన్ కార‌ణంగా షూటింగ్ ల‌న్నీ వాయిదా ప‌డ్డాయి. పైగా ముంబైలో  క‌రోనా వైర‌స్ స్వైర విహారం చేస్తోంది కాబ‌ట్టి దేశ‌మంతా లాక్ డౌన్  ఎత్తేసినా ముంబైలో మాత్రం లాక్ డైన్ కొన‌సాగే అవ‌కాశాలు ఎక్కువ‌గా ఉన్నాయి. అదే జ‌రిగితే బోనీ అండ్ ఫ్యామిలీ ఇంకొన్ని  నెల‌లు ఇంట్లోనే టైంపాస్ చేయాలి. అప్ప‌టివ‌ర‌కూ ఇలా పేకాట‌నో లేక‌పోతే గోళీలు.. గూటీ బిళ్ల‌ ఆడాల్సి ఉంటుంది.