జెర్సీకి ఫ్లాట్ అయిపోయిన యంగ్ టైగర్!

న్యాచురల్ స్టార్ నాని తాజా చిత్రం 'జెర్సీ' ఈరోజే విడుదల అయింది. మొదటి షో నుంచే సినిమా పాజిటివ్ టాక్ టాక్ తో ఓపెన్ అయింది. ప్రేక్షకుల అంచనాలు అందుకోవడమే కాదు   రివ్యూస్ కూడా చాలా పాజిటివ్ గా ఉన్నాయి.  ఇక సినిమా విడుదల రోజే నాని అండ్ టీం కు యంగ్ టైగర్ ఎన్టీఆర్ నుంచి భారీ ప్రశంసలు దక్కాయి.  సినిమా చూసిన తర్వాత ఎన్టీఆర్ తన ట్విట్టర్ ఖాతా ద్వారా జెర్సీ గురించి తన అభిప్రాయాలను పంచుకున్నాడు.

"జెర్సీ ఒక అద్భుతమైన చిత్రం..నన్ను పూర్తిగా మాయలో పడేసింది. గౌతమ్..  అలాంటి సబ్జెక్టును ఎంచుకున్నందుకు.. దాన్ని కన్విక్షన్ తోనూ నైపుణ్యంతోనూ తెరకెక్కించినందుకు హ్యాట్స్ ఆఫ్. గౌతమ్ విజన్ ను సపోర్ట్ చేస్తూ బెస్ట్ అవుట్ పుట్ ఇచ్చినందుకు క్యాస్ట్ & క్రూ కు అభినందనలు.  బ్రదర్ నాని.. నీ అద్భుతమైన నటనతో బాల్ ను స్టేడియం ఆవతలకి కొట్టావు. బ్రిలియంట్.. బ్రిలియంట్... బ్రిలియంట్. నాని.. నీ నటనను నేను చాలా కాలం మనసులో పెట్టుకుంటాను.  నేను నిన్ను చూసి చాలా గర్విస్తున్నాను." అంటూ ప్రశంసల వర్షం కురిపించాడు.

ఎన్టీఆర్ లాంటి స్టార్ నుండి 'జెర్సీ' టీమ్ ఈ రేంజ్ అభినందనలు అందుకోవడం ఒక ఎత్తు.  మనకు టాలీవుడ్ లో ఉన్న బెస్ట్ యాక్టర్స్ లో ఎన్టీఆర్ ఒకరు.  అలాంటిది ఎన్టీఆరే నాని నటనను మనస్ఫూర్తిగా మెచ్చుకోవడం.. నాని నటనకు ఒక  పెద్ద అవార్డ్ ఇచ్చినట్టే అనుకోవాలి!