‘కబాలి’లో రజినీ గెటప్ అంటూ ఫ్యాన్ మేడ్ పోస్టర్ లు చాలానే వచ్చాయి ఇప్పటిదాకా. సినిమా వాళ్ల క్రియేటివిటీని కూడా మించిపోయేలా ఆ పోస్టర్లను తయారు చేశారు అభిమానులు. ఫ్యాన్ మేడ్ పోస్టర్లే ఇలా ఉంటే అసలు పోస్టర్లు ఇంకెలా ఉంటాయో అని అంచనాలు పెరిగిపోయాయి. ఐతే అంచనాలకు ఏమాత్రం తగ్గకుండా రజినీ ఫస్ట్ లుక్ పోస్టర్లు వదిలాడు దర్శకుడు రంజిత్. తాజాగా ‘కబాలి’ మోషన్ పోస్టర్ కూడా విడుదలైంది. డార్క్ షేడ్ లో ఉన్న కబాలి రెండో లుక్ తోనే మోషన్ పోస్టర్ రెడీ చేశారు. మరో మాట లేదు.. సింప్లీ సూపర్బ్ అనిపించేలా ఉంది కబాలి మోషన్ పోస్టర్.
మోషన్ పోస్టర్ కు సంబంధించి మరో హైలైట్ బ్యాగ్రౌండ్ స్కోర్. చాలా టిపికల్ గా ఉంది స్కోర్. కాకపోతే ఇది ఇప్పటికే వాడబడ్డ బ్యాగ్రౌండ్ స్కోర్. యంగ్ టాలెంటెడ్ మ్యూజిక్ డైరెక్టర్ సంతోష్ నారాయణ్.. ఇంతకుముందు సిద్దార్థ్ సినిమా ‘జిగర్ తాండా’లో ఈ మ్యూజిక్ వినిపించాడు. అందులో విలన్ ఇంట్రడక్షన్ సీన్ లో ఈ స్కోర్ వినిపిస్తుంది. ఐతే రజినీకాంత్ లాంటి సూపర్ స్టార్ సినిమాకు మోషన్ పోస్టర్ రిలీజ్ చేస్తూ అదే స్కోర్ వాడుకోవడం ఆశ్చర్యం కలిగిస్తోంది. ఏదేమైనా మోషన్ పోస్టర్ మాత్రం అదిరిపోయిందన్నది వాస్తవం.
ప్రస్తుతం చెన్నైలో ‘కబాలి’ షూటింగ్ జరుగుతోంది. ఈ షెడ్యూల్ అయిపోయాక 40 రోజుల భారీ షెడ్యూల్ కోసం మలేషియా వెళ్లబోతోంది కబాలి టీమ్. ఈ సినిమాలో రజినీ సరసన రాధికా ఆప్టే హీరోయిన్ గా నటిస్తోంది.