కాజల్ పరిస్థితి కాస్తన్నా మారుద్దా??

2015లో టెంపర్ సినిమా తరువాత.. అసలు కాజల్ అగర్వాల్ ఖాతాలో హిట్టనేదే లేదు. అమ్మడు తమిళంలో మారి.. పాయుమ్ పులి.. వంటి సినిమాలతో భారీ ఫ్లాపులతో మునిగిపోగా.. తెలుగులో బ్రహ్మోత్సవం అండ్ సర్దార్ లతో మడత కాజాలు తినేసింది. అందుకే ఒక్క హిట్టయినా రాకపోతుందా అంటూ ఆత్రంగా ఎదురు చూస్తుంది.

జనతా గ్యారేజ్ సినిమా హిట్టయినా కూడా.. ఆ క్రెడిట్ కాజల్ చేసిన ఐటెం సాంగులో అస్సలు వేయలేం. ఎందుకంటే కేవలం కాజల్ అందాల వలన.. అదీ ఒక్క పాట వలన సినిమా హిట్టవ్వలేదు కాబట్టి. అయితే ఇప్పుడు వచ్చే గురువారం (నవంబర్ 24) కాజల్ నటించిన ''కావలై వేండమ్'' సినిమా రిలీజవుతుంది. ఈ సినిమాతో జీవాకు కూడా హిట్టు కొట్టాల్సిందే. అయితే కాజల్ మాత్రం బాగా టెన్షన్ పడుతోందట. ఒక ప్రక్కన చేతిలో అజిత్ సినిమా.. అలాగే తెలుగులో మెగాస్టార్ చిరంజీవి ఖైదీ నెం 150 ఉన్నా కూడా.. హిట్టు అనేది హిట్టే కాబట్టి.. ఈ సినిమా ఆశలు తీరుస్తుందేమో చూడాలి.

కావలై వేండమ్ సినిమా తెలుగులో ''ఎంతవరకు ఈ ప్రేమ'' పేరుతో విడుదలవుతోంది. మరి ఇక్కడ కూడా కాజల్ అండ్ జీవా ఏదన్నా హిట్టు కొడతారేమో చూడాలి. వెయిట్ అండ్ సి.

Like Us on Facebook : https://www.facebook.com/Tupakidotcom/