కుర్ర హీరోతో మరోసారి కాజల్...

టాలీవుడ్ లో అందమైన హీరోయున్స్ చాలా మంది ఉన్నారు. కోలీవుడ్ నుంచి మాలివుడ్ వరకు బాగానే రాణిస్తున్నారు. ఎంతో మంది కొత్త హీరోయిన్స్ వస్తున్నప్పటికీ కొంత మంది భామల హవా బాగానే నడుస్తోంది. అలాంటి వారిలో టాలీవుడ్ చందమామ కాజల్ అగర్వాల్ అయితే టాప్ లో ఉంది. అప్పుడు ఇండస్ట్రీలో అడుగుపెట్టి ఏళ్ళు గడుస్తున్నా కూడా తన క్రేజ్ ను ఏ మాత్రం తగ్గించుకోవడం లేదు. వరుసగా ఎదో ఒక ఆఫర్ తో క్లిక్ అవుతూనే ఉంది.

సౌత్ ఇండస్ట్రీలో ఉన్న టాప్ హీరోలందరితోను అమ్మడు స్క్రీన్ షేర్ చేసుకుంది.  మెగా ఫ్యామిలీలో మెగా స్టార్ చిరంజీవి తో కూడా నటించింది అంటే కాజల్ టైమ్ ఎలా నడుస్తోందో చెప్పవచ్చు. ఇకపోతే కుర్ర హీరోలతో కూడా కాజల్ నటించడానికి సై అంటోంది. ఇప్పటికే కొంత మంది యువ హీరోలను కవర్ చేసిన సంగతి తెలిసిందే. అయితే బెల్లంకొండ శ్రీనివాస్ తో కూడా కాజల్ మరో ప్రాజెక్ట్ ను లాక్ చేసుకుంది. ఇదివరకే ఈ ఇద్దరు ఒక సినిమా చేయడానికి ఒప్పుకున్నారు. ఆ సినిమా సెట్స్ పై ఉండగానే చందమామ బెల్లంకొండ వారసుడికి మరోసారి గ్రీన్ సిగ్నల్ ఇచ్చింది.

తేజ దర్శకత్వంలో బెల్లంకొండ శ్రీనివాస్ ఒక సినిమా చేయడానికి ఒప్పుకున్నాడు. అయితే ఈ సినిమాలో కాజల్ అయితే కరెక్ట్ గా సెట్ అవుతుందని దర్శకుడు స్టార్ హీరోయిన్ ని ఫిక్స్ చేశాడు. రెమ్యునరేషన్ ని సైతం లెక్క చేయకుండా ఒకే చేశారు. ఇంతముకుండు తేజ దర్శకత్వంలో కాజల్ నేనే రాజు నేనే మంత్రి సినిమా చేసిన సంగతి తెలిసిందే. ప్రముఖ నిర్మాత ఏకే ఎంటర్టైన్మెంట్స్ అనిల్ సుంకర ఈ కొత్త సినిమాను నిర్మించనున్నారు.