అది నా చేతిలో లేదు

ఇటీవలే తేజ డైరెక్షన్ లో సీత సినిమా చేసిన కాజల్ ఆ సినిమా రిజల్ట్ పై స్పందించింది. రణ రంగం ప్రమోషన్స్ లో భాగంగా మీడియా ముందుకువచ్చిన కాజల్ సీత సినిమాను మాట్లాడింది. సీత సినిమాకోసం చాలా కష్టపడ్డానని ఆ క్యారెక్టర్ ని సినిమాను బాగా నమ్మానని చెప్పుకొచ్చింది.

నటిగా ఒక సినిమా చేసాక ఆ సినిమా సక్సెస్ ఫెయిల్యూర్ గురించి పెద్దగా పట్టించుకోనని, నిజానికి సినిమా సక్సెస్ నా చేతిలో లేదని ఒక కథను నమ్మి క్యారెక్టర్ లో ఇన్వాల్వ్ అవ్వడం మాత్రమే తన చేతిలో ఉంటుందని మిగతావి యాక్టర్స్ కి సంబంధం లేని విషయం అని తేల్చి చెప్పింది. సీత లో నా పెర్ఫార్మెన్స్ కి మంచి మార్కులు పడ్డాయని అది సంతృప్తిన్నిచ్చిందని తెలిపింది.

కొన్ని రోజుల పాటు సీత పాత్రలోనే ఉండిపోయానని దాని నుండి బయటికి రావడానికి టైం పట్టిందని, ఆ సమయంలో మెడిటేషన్ చాలా ఉపయోగపడిందని, ఇక తేజ గారితో సినిమా చేసేందుకు ఎప్పుడూ రెడీ నే అని చెప్పుకొచ్చింది. ప్రస్తుతం మాత్రం తేజ గారు మనకి ఎలాంటి స్టోరీ చెప్పలేదని చెప్పింది