ఆ హీరో సరసన కాజల్.. అమల.. మాంజిమా

తమిళ నాట శరవేగంగా సినిమాలు చేసే స్టార్ హీరోల్లో ధనుష్ ముందుంటాడు. ఏడాదికి కనీసం రెండు రిలీజ్ లు ఉండేలా చూసుకుంటాడు ధనుష్. అలాగని క్వాలిటీ విషయంలో రాజీ పడడు ధనుష్. ప్రతి సినిమా వైవిధ్యంగా ఉండేలా చూసుకుంటాడు. ఈ ఏడాది ఇప్పటికే తొడారి (రైల్).. కొడి (ధర్మయోగి) సినిమాలు రిలీజయ్యాయి. అందులో తొడారి నిరాశ పరిచినా.. కొడి సూపర్ హిట్టయింది. ఈ ఊపులో తన కొత్త సినిమాల్ని మరింత వేగంగా పూర్తి చేసే పనిలో పడ్డాడు ధనుష్. గౌతమ్ మీనన్.. వెట్రి మారన్ లాంటి ప్రముఖ దర్శకులతో సినిమాలు చేస్తూనే.. తన మరదలు సౌందర్యతో ‘వీఐపీ-2’ సినిమాను అనౌన్స్ చేశాడు ధనుష్.

ధనుష్ కెరీర్లో బిగ్గెస్ట్ హిట్ గా నిలిచిన ‘వీఐపీ’కి సీక్వెల్ గా వస్తున్న ఈ చిత్రంలో ముగ్గురు క్రేజీ హీరోయిన్లు నటిస్తున్నారు. ‘వీఐపీ’లో కథానాయికగా నటించిన అమలా పాల్ తో పాటు.. ఇంతకుముందు ‘మారి’ సినిమాలో ధనుష్ కు జోడీగా నటించిన కాజల్ అగర్వాల్ కూడా ఇందులో కథానాయికగా నటిస్తోంది. వీళ్లిద్దరూ సరిపోరని.. తాజాగా ‘అచ్చం ఎన్బదు మదమాయడ’ (సాహసం శ్వాసగా సాగిపో తమిళ వెర్షన్)తో కథానాయికగా పరిచయమైన మాంజిమా మోహన్ ను కూడా ఇంకో హీరోయిన్ గా తీసుకున్నారు. కెరీర్లో తొలిసారి ముగ్గురు హీరోయిన్లతో రొమాన్స్ చేయబోతున్నాడు ధనుష్. ‘కబాలి’ ప్రొడ్యూసర్ కలైపులి.ఎస్.థాను ఈ చిత్రాన్ని నిర్మిస్తున్నాడు.

Like Us on Facebook : https://www.facebook.com/Tupakidotcom/