పేరు మార్చుకున్న కాజల్..!

స్టార్ హీరోయిన్ కాజల్‌ అగర్వాల్ తన ప్రియుడు గౌత‌మ్ కిచ్లును పెళ్లాడి వివాహబంధంలోకి అడుగుపెట్టిన విష‌యం తెలిసిందే. పెళ్లి తర్వాత కూడా నటన కొనసాగిస్తానని ప్రకటించిన కాజల్.. ఎప్పటిలాగే సినిమాలు చేస్తోంది. ప్రొఫెషనల్‌ లైఫ్‌ మరియు పర్సనల్‌ లైఫ్‌ కు బ్యాలెన్స్‌ చేస్తూ వస్తున్న కాజల్ అగర్వాల్ తన పేరుని కూడా మార్చుకుంది. కిచ్లు ఫ్యామిలీ కోడలిగా అడుగుపెట్టిన కాజల్.. తాజాగా తన ఇన్‌స్టాగ్రామ్‌ ఫ్రొఫైల్‌ నేమ్ కూడా చేంజ్ చేసింది. తన భర్త పేరు కలిసి వచ్చేలా 'కాజల్‌ ఎ కిచ్లు' అని ఇన్స్టాలో పేరు మార్చుకుంది కాజల్.

ఇదిలావుండగా బిజినెస్ మ్యాన్ గౌతమ్ ని వివాహం చేసుకున్న కాజల్.. ఇప్పుడు బిజినెస్ ఉమెన్ గా కూడా మారిపోయింది. స్వతహాగా ఇంటీరియ‌ర్ డిజైన‌ర్‌ అయిన తన భర్త గౌత‌మ్ కిచ్లుతో క‌లిసి కాజ‌ల్‌ కొత్త బిజినెస్ స్టార్ట్ చేసింది. 'కిచ్డ్' పేరిట ఓ హోమ్ డెకార్ బ్రాండ్‌ ని ప్రారంభించింది. ఇకపోతే కాజల్ ప్రస్తుతం మెగాస్టార్ చిరంజీవి - దర్శకుడు కొరటాల శివ కాంబినేషన్ లో రూపొందుతున్న 'ఆచార్య' సినిమాలో తన పాత్రకు సంబంధించిన చిత్రీకరణను పూర్తి చేసుకుంది. అలానే 'లైవ్‌ టెలికాస్ట్‌' అనే వెబ్‌ సిరీస్‌ ద్వారా డిజిటల్‌ మీడియాలోకి కూడా ఎంట్రీ ఇచ్చింది కాజల్.