తేజు కోసం బాహుబలి టెక్నీషియన్

బాహుబలి మూవీ ఇండియాలో చాలామందికే ఇన్ స్పిరేషన్ ఇచ్చేసింది. ఆ సినిమాకి వర్క్ చేసిన వారికి కూడా ఎన్నెన్నో అవకాశాలు తెచ్చి పెట్టేసింది. ఈ మూవీ కోసం చాలామంది ఫారిన్ టెక్నీషియన్స్ కూడా వర్క్ చేశారనే సంగతి తెలిసిందే. ముఖ్యంగా యాక్షన్ ఎపిసోడ్స్ విషయంలో హాలీవుడ్ సినిమాలకు వర్క్ చేసే బల్గేరియన్ స్టంట్ డైరెక్టర్ కలోయాన్ వొడెనిచారోవ్ చేసిన వర్క్ చాలా ముఖ్యం.

ఇప్పుడు కలోయాన్ ని ఓ యాక్షన్ ఎంటర్టెయినర్ కోసం సాయిధరం తేజ్ తీసుకొచ్చాడు. గోపీచంద్ మలినేని దర్శకత్వంలో రూపొందుతున్న విన్నర్ కి.. క్లైమాక్స్ ఎపిసోడ్ ని ఈ బల్గేరియా స్టండ్ మాస్టర్ ఆధ్వర్యంలోనే రూపొందించారు. హార్స్ రేస్ కాన్సెప్ట్ తో వచ్చే ఈ క్లైమాక్స్ ఎపిసోడ్ సినిమాకు హైలైట్ అవుతుందని.. కలోయాన్ రూపొందించిన స్టంట్స్ మైండ్ బ్లోయింగ్ గా ఉంటాయని తెలుస్తోంది.

'ఇస్తాంబుల్ రేస్ కోర్స్ లో ఈ క్లైమాక్స్ ని పిక్చరైజ్ చేశాం. సాయి ధరం తేజ్- ఠాకూర్ అనూప్ ల సింగ్ ల మధ్య వచ్చే ఈ ఎపిసోడ్ మూవీ హైలైట్స్ లో ఒకటిగా నిలుస్తుంది. ప్రేక్షకులను ఉత్కంఠకు క్రియేట్ చేసే ఈ క్లైమాక్స్ సినిమాకు చాలా కీలకం' అంటున్నాడు దర్శకుడు గోపీచంద్ మలినేని.


Like Us on Facebook : https://www.facebook.com/Tupakidotcom/