క‌ళ్యాణ్ దేవ్ `కిన్నెర సాని` సంఘ‌ర్ష‌ణ ఏమిటో కానీ..!

మెగా అల్లుడు క‌ళ్యాణ్ దేవ్ `విజేత` సినిమాతో హీరోగా ప‌రిచ‌య‌మ‌య్యారు. జ‌యాప‌జ‌యాల‌తో సంబంధం లేకుండా ఆ త‌ర్వాత వ‌రుస చిత్రాల్లో న‌టిస్తున్న సంగ‌తి తెలిసిందే. కల్యాణ్ దేవ్ రెండవ చిత్రం `సూపర్ మ‌చ్చి` సెట్స్ పై ఉంది. క‌రోనా క్రైసిస్ వ‌ల్ల చిత్రీక‌ర‌ణ ఆల‌స్య‌మైన సంగ‌తి తెలిసిందే.  GA2 పిక్చర్స్ స‌మ‌ర్ప‌ణ‌లో పీపుల్ మీడియా ఫ్యాక్టరీ -అభిషేక్ అగర్వాల్ ఆర్ట్స్ సంయుక్తంగా నిర్మిస్తున్న మ‌రో చిత్రంలోనూ క‌ళ్యాణ్ దేవ్ న‌టిస్తున్నారు. ఇందులో అవికా గోర్ క‌థానాయిక‌. టి. జి. విశ్వ ప్రసాద్ -వివేక్ కుచిభోట్ల - అభిషేక్ అగర్వాల్ నిర్మాత‌లు. అనుప్ రూబెన్స్ సంగీతం అందిస్తున్నారు. ప్ర‌స్తుతం చిత్రీక‌ర‌ణ‌ పురోగతిలో ఉంది.

తాజాగా క‌ళ్యాణ్ దేవ్ న‌టిస్తున్న మ‌రో సినిమా టైటిల్ ని ప్ర‌క‌టించారు. కిన్నెర‌సాని అనేది టైటిల్. ర‌మ‌ణ తేజ ద‌ర్శ‌కుడు. ఎస్.ఆర్.టి ఎంట‌ర్ టైన్ మెంట్స్ ప‌తాకంపై ర‌జ‌నీ తాళ్లూరి- ర‌వి చింటాల‌ ఈ చిత్రాన్ని నిర్మిస్తున్నారు. క‌ళ్యాణ్ దేవ్ ఎంతో స్టైలిష్ గా న్యూమేక‌ర్ తో క‌నిపిస్తున్న పోస్ట‌ర్ ని రిలీజ్ చేశారు. అత‌డి చేతిలో ఒక క్యూట్ ప‌ప్పీ ఒదిగిపోయి క‌నిపిస్తోంది.

అత‌డి క‌థలో తీవ్ర‌మైన సంఘ‌ర్ష‌ణ ఉంద‌ని ఈ పోస్ట‌ర్ చెబుతోంది. క‌ళ్యాణ్ దేవ్ ఒక చేత్తో ముళ్ల‌ కంచెను ప‌ట్టుకుని న‌లిపేస్తూ ముల్లు గుచ్చుకుంటున్నా అది ప‌ట్టించుకోకుండా ఏదో తీక్ష‌ణ‌మైన డైల‌మాలో ఉన్న‌ట్టే క‌నిపిస్తోంది. అది ప్రేయ‌సితో సంఘ‌ర్ష‌ణా లేక శ‌త్రువుల‌తోనా? అన్న‌ది తెర‌పైనే చూడాలి. కిన్నెర‌సాని వాస్త‌విక‌ క‌థేమిట‌న్న‌ది చూడాలంటే కాస్త ఆగాలి. మ‌హ‌తి స్వ‌ర‌సాగ‌ర్ ఈ చిత్రానికి సంగీతం అందిస్తున్నారు. దినేష్ కె.బాబు సినిమాటోగ్రాఫ‌ర్. దేశ‌రాజ్ సాయి తేజ్ ఈ చిత్రానికి క‌థ అందించారు.