డైరెక్ట‌ర్ వ‌ల్ల అన్న‌ద‌మ్ములకు గొడ‌వా?

బాలీవుడ్ లో స‌ల్మాన్ భాయ్ తో వ‌రుస‌గా సినిమాలు చేస్తున్నాడు ప్ర‌భుదేవా. వెంట వెంట‌నే భాయ్ సినిమాల‌కు క‌ర్చీఫ్ వేసేశాడు. దాని వల్ల అన్న‌ స‌ల్మాన్ తో సినిమా తీయానుకున్న ఆర్భాజ్ ఖాన్ కి ఆ అవ‌కాశం చిక్క‌డం లేదు. ఏళ్ల‌త‌ర‌బ‌డి వెయిట్ చేయాల్సొస్తోంది. దీంతో ప్ర‌భుదేవాపై ఆర్భాజ్ సీరియ‌స్ గా ఉన్నాడని ప్ర‌చార‌మైంది. అన్న‌ద‌మ్ముల మ‌ధ్య ద‌ర్శ‌కుడు ప్ర‌భుదేవా చిచ్చు! అంటూ ఒక సెక్షన్ బాలీవుడ్ మీడియా ప్ర‌చారం చేసింది.

ఇక ఆ గొడ‌వ అలా ఉంటే.. టాలీవుడ్ లోనూ నంద‌మూరి బ్ర‌ద‌ర్స్ క‌ళ్యాణ్ రామ్- ఎన్టీఆర్ మధ్య గొడ‌వ‌లు అంటూ ప్ర‌చార‌మ‌వుతోంది. ఆ ఇద్ద‌రి మ‌ధ్యా ఓ డైరెక్ట‌ర్ గొడవ పెట్టాడంటూ ఒక‌టే ప్ర‌చారం వేడెక్కిస్తోంది. ఇంత‌కీ ఎవ‌రా ద‌ర్శ‌కుడు? అంటే.. మాట‌ల మాయావి త్రివిక్ర‌మ్ పేరు చెబుతున్నారు. ఇంత‌కీ త్రివిక్ర‌మ్ తో గొడ‌వేంటి? అంటే.. యంగ్ టైగ‌ర్ ఎన్టీఆర్ క‌థానాయ‌కుడిగా న‌టించే ల్యాండ్ మార్క్ 30వ సినిమాని ఎన్టీఆర్ ఆర్ట్స్ లో నిర్మించేందుకు క‌ళ్యాణ్ రామ్ స‌న్నాహ‌కాల్లో ఉండ‌గా.. త్రివిక్ర‌మ్ త‌న క‌థ వినిపించి తార‌క్ ని లాక్ చేశాడు.

అయితే త్రివిక్ర‌మ్ తో సినిమా అంటే హారిక అండ్ హాసిని క్రియేష‌న్స్ లో మాత్ర‌మే ఉంటుంది. స‌ద‌రు నిర్మాణ సంస్థ తార‌క్ 30వ సినిమాని లాక్ చేసేయ‌డంతో ఇది క‌ళ్యాణ్ రామ్ కి న‌చ్చ‌లేద‌న్న ప్ర‌చారం సాగుతోంది. ఎన్టీఆర్ - త్రివిక్ర‌మ్ సినిమాని నిర్మించే అవ‌కాశం క‌ల్యాణ్ రామ్ కి లేక‌పోవ‌డమే ఈ గొడ‌వ‌కు కార‌ణం అట‌. అలా మాయావి వ‌ల్ల అన్న‌ద‌మ్ముల మ‌ధ్య చిచ్చు త‌ప్ప‌లేద‌ని ప్ర‌చారం సాగుతోంది. హారిక‌ను క‌ళ్యాణ్ రామ్ తో క‌లిపి సినిమా చేయాల‌న్న తార‌క్ మంత్రాంగం ఫ‌లించ‌క‌పోవ‌డంతో ఏం చేయాలో పాలుపోని ప‌రిస్థితి ఉంద‌ట‌. మ‌రి ఇందులో నిజం ఏమిటో బ్ర‌ద‌ర్స్ చెబుతారేమో చూడాలి.