స్క్రిప్ట్ నచ్చకే వక్కంతం సినిమా ఆగింది

ఇజం మూవీ ప్రమోషన్స్ లో బాగా యాక్టివ్ గా పాల్గొంటున్నాడు నందమూరి కళ్యాణ్ రామ్. ఇటు హీరోగా చేస్తూనే అటు నిర్మాతగా కూడా కంటిన్యూ అవుతుండడం ఈ హీరో స్పెషాలిటీ. ఎన్టీఆర్ ఆర్ట్స్ బ్యానర్ పై ప్రతిష్టాత్మకంగా సినిమాలు నిర్మిస్తుంటాడు. జూనియర్ ఎన్టీఆర్ హీరోగా కూడా ఓ మూవీ తీసేందుకు రెడీ అయ్యాడు కూడా.

రైటర్ వక్కంతం వంశీని దర్శకుడిగా పరిచయం చేస్తూ ఎన్టీఆర్ హీరోగా ఓ సినిమా ఖాయమైందనే వార్తలు గతంలో వచ్చాయి. కానీ ఇప్పుడా సినిమా సంగతులు వినిపించడం లేదు. ఇందుకు కారణం చెప్పేశాడు కళ్యాణ్ రామ్. 'ప్రస్తుతం ఆ ప్రాజెక్టును హోల్డ్ లో పెట్టాం. వక్కంతం చెప్పిన స్క్రిప్ట్ పూర్తిగా నచ్చలేదు. అందుకే ప్రస్తుతం ఇంకా బెటర్ లైన్ పై వక్కంతం వర్క్ చేస్తున్నాడు. త్వరలో అప్ డేట్ ఇస్తాం. వక్కంతం-నేను-ఎన్టీఆర్ మంచి ఫ్రెండ్స్. త్వరలో మంచి ప్రాజెక్టుతో కలిసి తప్పకుండా పని చేస్తాం ' అని ఓపెన్ అయిపోయాడు కళ్యాణ్ రామ్.

'ఓ సినిమా విషయంలో ముందుగానే క్లారిటీ ఉండాలి. ప్రారంభించేసి.. తర్వాత రిజల్ట్ విషయంలో తేడా వస్తే ఒకరిని ఒకరు బ్లేమ్ చేసుకునేలా ఉండకూడదు. సరైన టైమ్ లో నో చెప్పకుండా నేను లైఫ్ లో చాలానే పోగొట్టుకున్నాను' అంటూ అసలు విషయంలో చెప్పేశాడు ఇజం హీరో కళ్యాణ్ రామ్.

Like Us on Facebook : https://www.facebook.com/Tupakidotcom/