శ్రీదేవి తరువాత నేనే చేస్తున్నా..

ఈ మద్య హింది హీరోయిన్ జాతీయ అవార్డ్ గ్రహీత కంగనా రనౌత్ తన దురుసు మాటలతో తను చేస్తున్న సినిమాలతో చాలా వివాదాలలో మీడియాలో  తెగ వినిపిస్తోంది. బాలీవుడ్ లో బంధుప్రీతి - పక్షపాతము దండిగా ఉందని.. అందుకే నాలాంటి వాళ్ళు కష్టపడుతున్నారని చెప్పి పెద్ద రచ్చ చేసింది ఒకసారి. ఆ తరువాత ఆమె చేస్తున్న తాజా సినిమాలు సిమ్రాన్ - క్రిష్ డైరెక్ట్ చేస్తున్న మనికర్ణిక ది క్వీన్ ఆఫ్ ఝాన్సీ స్క్రిప్ట్ విషయంలో మళ్ళీ ఒక మోస్తరు రబస చేసింది. సిమ్రాన్ మూవీ ప్రమోషన్ లో ఇప్పుడు మరో స్టేట్మెంట్ ఇచ్చింది.  

తను చేస్తున్న సిమ్రాన్ ఒక కామిడీ మూవీ అని ఇది ఎవరి జీవిత కథ కాదని చెప్పింది. కామెడీ సినిమాల్లో హిరోయిన్లు ఎవరూ పెద్దగా రాణించలేదు పై గా ఇప్పుడు  ఎవరు చేయటంలేదు కూడా అంటూ కామెంట్ చేసింది. ''శ్రీదేవి తరువాత మళ్ళీ మా తరం లో నేనే కామెడీ చేశాను. తను వెడ్స్ మను రిటర్న్స్ సినిమాలో దత్తో, మను కావచ్చు.. ఇప్పుడీ సిమ్రాన్ కావొచ్చు.. శ్రీదేవి గారి తరువాత నేనే. అయినా మన దేశంలో ఆడవాళ్ళని.. అందులోనూ కామెడీ చేసే హీరోరోయిన్లను బాగా తక్కువగా చూస్తారెందుకో అర్ధం కాదు'' అని చెప్పింది. డైరెక్టర్ రాజు కుమార్ హిరణి ఒకసారి స్టాండ్ అప్ కమేడియన్ పై ఒక చిత్రం నిర్మించాలి అని అనుకుంటున్నాను అని చెప్పారు. బహుశా కంగనా గాని అందులో నటించడం లేదు కదా.

ఇకపోతే హంసల్ మెహతా డైరెక్ట్ చేస్తున్న సిమ్రాన్ సినిమా రచనలో కూడా  నాకు గుర్తింపు ఇవ్వమని గొడవపెట్టిందట కంగనా. హీరోయిన్ నుండి డైరెక్టర్ పగ్గాలు అందుకోవడానికి కంగనా బాగానే రచ్చ చేస్తుంది. ఇప్పుడు కొత్తగా మళ్ళీ కామిడీ హీరోయిన్ గా మరో స్టేమెంట్ ఇచ్చి హంగామా చేస్తోంది. ఎందుకో మరి!!


Like Us on Facebook : https://www.facebook.com/Tupakidotcom/