మెగాస్టార్ చిరంజీవి ప్రస్తుతం దర్శకుడు కొరటాల శివ దర్శకత్వంలో ‘ఆచార్య’ సినిమాలో నటిస్తున్న సంగతి తెలిసిందే. సురేఖ కొణిదెల సమర్పణలో మ్యాట్నీ ఎంటర్‌టైన్‌మెంట్‌ మరియు కొణిదెల ప్రొడక్షన్‌ కంపెనీ బ్యానర్స్ పై రామ్ చరణ్ - నిరంజన్ రెడ్డి సంయుక్తంగా ఈ చిత్రాన్ని నిర్మిస్తున్నారు. కాజల్‌ కిచ్లు హీరోయిన్ గా నటిస్తోంది. ఇందులో మెగా పవర్ స్టార్ రామ్ చరణ్ 'సిద్ధ' అనే కీలక పాత్రలో కనిపించనున్నాడు. అలానే ఈ చిత్రంలో లాక్ డౌన్ రియల్ హీరో సోనూసూద్ కూడా నటిస్తున్నాడు. ఈ క్రమంలో 'ఆచార్య'లో మరో స్టార్ హీరో కూడా నటించనున్నాడనే వార్తలు ఫిలిం సర్కిల్స్ లో వినిపిస్తున్నాయి.
'ఆచార్య'లో కన్నడ సూపర్ స్టార్ కిచ్చా సుదీప్ ఓ కీలక పాత్ర పోషిస్తున్నాడ‌ట. కొరటాల అతని కోసం ఓ అద్భుత‌మైన పాత్రను క్రియేట్ చేసాడట. ఇప్పటికే తెలుగులో పలు చిత్రాల్లో నటించి మెప్పించిన సుదీప్.. మెగాస్టార్ చిరంజీవి 'సైరా నరసింహారెడ్డి' చిత్రంలో ఓ క్యారక్టర్ పోషించాడు. అలానే ఇప్పుడు 'ఆచార్య'లో సుదీప్ కి కీలక రోల్ ఇస్తున్నాడని రూమర్స్ వినబడుతున్నాయి. ఇందులో నిజమెంతో తెలియాలంటే అధికారిక ప్రకటన వచ్చే వరకు ఆగాల్సిందే. కాగా, 'ఆచార్య' సినిమా మే 13న ప్రేక్షకుల ముందుకు రానుంది. ఈ నేపథ్యంలో ఇటీవలే విడుదలైన టీజర్ మంచి స్పందన తెచ్చుకుని రికార్డు స్థాయిలో వ్యూస్ రాబడుతోంది.
'ఆచార్య'లో కన్నడ సూపర్ స్టార్ కిచ్చా సుదీప్ ఓ కీలక పాత్ర పోషిస్తున్నాడ‌ట. కొరటాల అతని కోసం ఓ అద్భుత‌మైన పాత్రను క్రియేట్ చేసాడట. ఇప్పటికే తెలుగులో పలు చిత్రాల్లో నటించి మెప్పించిన సుదీప్.. మెగాస్టార్ చిరంజీవి 'సైరా నరసింహారెడ్డి' చిత్రంలో ఓ క్యారక్టర్ పోషించాడు. అలానే ఇప్పుడు 'ఆచార్య'లో సుదీప్ కి కీలక రోల్ ఇస్తున్నాడని రూమర్స్ వినబడుతున్నాయి. ఇందులో నిజమెంతో తెలియాలంటే అధికారిక ప్రకటన వచ్చే వరకు ఆగాల్సిందే. కాగా, 'ఆచార్య' సినిమా మే 13న ప్రేక్షకుల ముందుకు రానుంది. ఈ నేపథ్యంలో ఇటీవలే విడుదలైన టీజర్ మంచి స్పందన తెచ్చుకుని రికార్డు స్థాయిలో వ్యూస్ రాబడుతోంది.