కహోనా ప్యార్ హై లో కరీనా కనిపించిందా?

కహోనా ప్యార్ హై.. బాలీవుడ్ కి హృతిక్ రోషన్ ని పరిచయం చేసిన సినిమా ఇది. తండ్రి రాకేష్ రోషన్ దర్శకత్వంలో రూపొందిన ఈ మూవీతో.. అరంగేట్రంలోనే స్టార్ హీరో అయిపోయాడు హృతిక్. దేశంలో చాలా భాషల్లోకి డబ్ అయి కూడా సక్సెస్ సాధించిన ఈ మూవీలో హీరోయిన్ అమీషా పటేల్ అనే విషయం అందరికీ తెలుసు. కానీ ఆ సినిమాలో నేను కనిపిస్తా అంటోంది కరీనా కపూర్.

అసలు కహో నా ప్యార్ హై తోనే కరీనా అరంగేట్రం చేయాల్సిందిట. ఫస్ట్ షాట్ ని రాకేష్ రోషన్ దర్శకత్వంలో యాక్ట్ చేసిందట కూడా. అయితే.. ఈ మూవీలో హీరోయిన్ కి ఇంపార్టెన్స్ ఉండదనే ఉద్దేశ్యంతో బైటకొచ్చేశానని చెప్పింది కరీనా. అయితే తనను సినిమాలో చూపించడం ఆశ్చర్యం కలిగించిందని చెబుతూ.. మనం కూడా థ్రిల్ అయ్యే ఓ విషయాన్ని బైట పెట్టింది.

హృతిక్ తో పాటు బీచ్ లో నడుచుకుంటూ వచ్చే సీన్ ఒకటి ఉంటుంది. అందులో బ్లూ స్వెటర్, జీన్స్ లో కనిపించేది నేనే.. అమీషా కాదు అని చెప్పింది కరీనా. ఈ సీన్ ని జాగ్రత్తగా పరిశీలిస్తే.. నెక్ట్స్ సీన్ లో హీరోయిన్ డ్రస్ మారిపోయి ఉంటుంది. హృతిక్ కాస్ట్యూమ్స్ లో స్లీవ్ లెస్ టీ షర్ట్ కనిపిస్తుంది. లాంగ్ షాట్ లో కరీనా ఫేస్ కనిపించకుండా చూపించారని.. కావాలనే ఈ సీన్ సినిమాలో ఉంచారని తెలుస్తోంది.