'Rx 100' సినిమాతో సూపర్ హిట్ అందుకున్న యువ హీరో కార్తికేయ గుమ్మకొండ.. విభిన్నమైన చిత్రాలతో తనకంటూ ప్రత్యేకమైన గుర్తింపు తెచ్చుకోడానికి ట్రై చేస్తున్నాడు. ప్రస్తుతం 'రాజా విక్రమార్క' అనే చిత్రంలో నటిస్తున్నాడు. అయితే కార్తికేయ హీరోగా మాత్రమే సినిమాలు చేయాలని ఫిక్స్ అవకుండా.. తనలోని నటుడిని బయటకు తీయడానికి అవకాశం వచ్చినప్పుడు విలన్ పాత్రల్లోనూ మెప్పిస్తున్నాడు. 'గ్యాంగ్ లీడర్' చిత్రంలో ప్రతినాయకుడిగా ఉత్తమ నటన కనబరిచి సైమా అవార్డ్ అందుకున్నాడు. ఈ క్రమంలో తమిళ స్టార్ హీరో అజిత్ కుమార్ నటిస్తున్న ''వలిమై'' సినిమాలో కార్తికేయ నెగిటివ్ షేడ్స్ ఉన్న పాత్రలో కనిపించనున్నారు.
నేడు కార్తికేయ పుట్టినరోజు సందర్భంగా 'వలిమై' చిత్ర బృందం శుభాకాంక్షలు తెలుపుతూ సినిమాలో అతని పాత్రకు సంబంధించిన ఫస్ట్ లుక్ పోస్టర్ ను విడుదల చేశారు. ఇందులో కార్తికేయ ఇంటెన్స్ అండ్ సీరియస్ లుక్ లో కనిపిస్తున్నారు. ఓ సోఫాలో కూర్చొని ఒక చేతిలో శాటిలైట్ ఫోన్ మరో చేతిలో ఇక బాటిల్ పట్టుకుని ఉన్నారు. ఈ చిత్రంలో యువ హీరో పాత్ర పవర్ ఫుల్ గా ఉండబోతోందని ఫస్ట్ లుక్ చూస్తే అర్థం అవుతోంది. ఇకపోతే కార్తికేయకు బర్త్ డే విషెస్ తెలియజేస్తూ అజిత్ ఫ్యాన్స్ సోషల్ మీడియాలో ట్రెండ్ చేస్తున్నారు. 'వలిమై' సినిమా సక్సెస్ అయితే కార్తికేయకు కోలీవుడ్ లో క్రేజీ ఆఫర్స్ వచ్చే అవకాశం ఉంది.
'వలిమై' చిత్రానికి హెచ్. వినోద్ దర్శకత్వం వహిస్తున్నారు. జీ స్టూడియోస్ సమర్పణలో బే వ్యూ ప్రాజెక్ట్స్ బ్యానర్ పై బోనీ కపూర్ నిర్మిస్తున్నారు. ‘నెర్కొండ పార్వై’ తర్వాత ఈ ముగ్గురి కలయికలో వస్తున్న ఈ సినిమాపై భారీ అంచనాలు నెలకొన్నాయి. ఈ యాక్షన్ థ్రిల్లర్‌ లో అజిత్ పోలీస్ ఆఫీసర్ గా కనిపించనున్నారు. ఇందులో 'కాలా' ఫేమ్ హ్యూమా ఖురేషి హీరోయిన్ గా న‌టిస్తోంది. ఈ చిత్రాన్ని నవంబర్ లేదా డిసెంబర్ లో విడుదల చేసేందుకు చిత్ర యూనిట్ సన్నాహాలు చేస్తుంది.
నేడు కార్తికేయ పుట్టినరోజు సందర్భంగా 'వలిమై' చిత్ర బృందం శుభాకాంక్షలు తెలుపుతూ సినిమాలో అతని పాత్రకు సంబంధించిన ఫస్ట్ లుక్ పోస్టర్ ను విడుదల చేశారు. ఇందులో కార్తికేయ ఇంటెన్స్ అండ్ సీరియస్ లుక్ లో కనిపిస్తున్నారు. ఓ సోఫాలో కూర్చొని ఒక చేతిలో శాటిలైట్ ఫోన్ మరో చేతిలో ఇక బాటిల్ పట్టుకుని ఉన్నారు. ఈ చిత్రంలో యువ హీరో పాత్ర పవర్ ఫుల్ గా ఉండబోతోందని ఫస్ట్ లుక్ చూస్తే అర్థం అవుతోంది. ఇకపోతే కార్తికేయకు బర్త్ డే విషెస్ తెలియజేస్తూ అజిత్ ఫ్యాన్స్ సోషల్ మీడియాలో ట్రెండ్ చేస్తున్నారు. 'వలిమై' సినిమా సక్సెస్ అయితే కార్తికేయకు కోలీవుడ్ లో క్రేజీ ఆఫర్స్ వచ్చే అవకాశం ఉంది.
'వలిమై' చిత్రానికి హెచ్. వినోద్ దర్శకత్వం వహిస్తున్నారు. జీ స్టూడియోస్ సమర్పణలో బే వ్యూ ప్రాజెక్ట్స్ బ్యానర్ పై బోనీ కపూర్ నిర్మిస్తున్నారు. ‘నెర్కొండ పార్వై’ తర్వాత ఈ ముగ్గురి కలయికలో వస్తున్న ఈ సినిమాపై భారీ అంచనాలు నెలకొన్నాయి. ఈ యాక్షన్ థ్రిల్లర్‌ లో అజిత్ పోలీస్ ఆఫీసర్ గా కనిపించనున్నారు. ఇందులో 'కాలా' ఫేమ్ హ్యూమా ఖురేషి హీరోయిన్ గా న‌టిస్తోంది. ఈ చిత్రాన్ని నవంబర్ లేదా డిసెంబర్ లో విడుదల చేసేందుకు చిత్ర యూనిట్ సన్నాహాలు చేస్తుంది.