కిల్లింగ్ లుక్స్‌ తో కుంపటి పెడుతోంది

గ‌త కొంత‌కాలంగా కియ‌రా అద్వాణీ ఫోటోషూట్లు - వీడియో షూట్లు అంత‌ర్జాలానికి ఊపిరాడ‌నివ్వ‌డం లేదు. అందివ‌చ్చిన అవ‌కాశాన్ని ఏమాత్రం వ‌దిలిపెట్ట‌కుండా తారాప‌థంలోకి దూసుకుపోవ‌డ‌మే ధ్యేయంగా ఈ అమ్మ‌డు చెల‌రేగుతున్న వైనం ప్ర‌ధానంగా చ‌ర్చ‌కొచ్చింది. కియ‌రా కాన్ఫిడెన్స్ ఆకాశ‌పుటంచును తాకుతోంది. న‌టించిన ప్ర‌తిదీ గెలుపు బాట‌ను ప‌రుస్తున్నాయి. దాంతో వెనుదిరిగి చూసే పనేలేకుండా పోయింది. ల‌స్ట్ స్టోరీస్‌ తో కుర్ర‌కారు గుండెల్లో అనుక్ష‌ణం మెలిపెడుతున్న కియ‌రా.. ఆ ఊపును మ‌రింత‌గా ఎన్‌ క్యాష్ చేసుకునేందుకు అదిరిపోయే ప్లాన్‌ తో బ‌రిలో దిగింది. ఆ ప్లాన్.. హీట్ పెంచే ఫోటోషూట్‌ తో విరుచుకుప‌డ‌డ‌మే.

కొద్దిరోజులుగా మ్యాగ‌జైన్‌ ఫోటోషూట్‌ కి సంబంధించిన ఫోటోలు వెబ్‌ ని ఠారెత్తించాయి. ఇదిగో తాజా తాజా ఫోటోషూట్ తెర‌వెన‌క సంగ‌తుల్ని ఆవిష్క‌రిస్తూ ఎగ్జిబిట్ పేరుతో ఓ వీడియోని అంత‌ర్జాలంలో వ‌దిలారు. ఇందులో కియ‌రా ఫోటోషూట్ క్వీన్‌ గా చెల‌రేగిపోతున్న తీరు క‌నిపించింది. షూట్ ఆద్యంతం మేక‌ప్ టీమ్‌ తో కియ‌రా కోఆప‌రేట్ చేసే తీరు - కెమెరా కంటిని అల్లుకుపోయే తీరు ప్ర‌తిదీ ప్ర‌త్య‌క్ష అనుభ‌వాన్నిస్తున్నాయి.

మ‌రోవైపు ఈ ఫోటోషూట్ల‌పై అటు నార్త్‌ - ఇటు సైత్‌ లో ఆస‌క్తిక‌ర చ‌ర్చ సాగుతోంది. ఈ దెబ్బ‌కు నిర్మాత‌లు కియ‌రా చుట్టూ దీపం చుట్టూ తిరిగే పురుగుల్లా తిరిగేస్తున్నార‌ట‌. అందుకే దీపం ఉండ‌గానే చ‌క్క‌దిద్దుకోవాల‌న్న తీరుగా అందివ‌చ్చిన అవ‌కాశాల్ని స‌ద్వినియోగం చేసుకుంటోంది. ఇటీవ‌లే క‌ర‌ణ్‌ జోహార్ `క‌ళాంక్‌` సినిమాలో స్పెష‌ల్ అప్పియ‌రెన్స్‌ కి సంత‌కం చేసింది. మ‌రింత‌మంది స్టార్ డైరెక్ట‌ర్ల లిస్ట్‌ లోనూ కియ‌రా పేరు ఉంది. టాలీవుడ్‌ లో చ‌ర‌ణ్ స‌ర‌స‌న న‌టిస్తూ బిజీగా ఉండ‌గానే ప‌లువురు నిర్మాత‌లు త‌న‌ని సంప్ర‌దిస్తున్నార‌ని తెలుస్తోంది.

Full View