కిట్టుగాడు లాభాల్లోకి వచ్చేస్తున్నాడు!!

యంగ్ హీరో రాజ్ తరుణ్ లేటెస్ట్ మూవీ కిట్టుగాడు ఉన్నాడు జాగ్రత్త.. గత శుక్రవారం థియేటర్లలోకి వచ్చింది. మొదటి రోజు టాక్ కారణంగా కొన్ని అనుమానాలు వినిపించాయి. అయితే.. వసూళ్లు మాత్రం ఎక్కడా నెమ్మదించకపోవడం. ఇంకా విశేషమేంటంటే.. గత వారం రిలీజ్ అయిన మూవీస్ లో కిట్టుగాడు విన్నర్ గా నిలిచాడనే చెప్పాలి.

వీకెండ్స్ తర్వాత కూడా కిట్టు గాడు ఉన్నాడు జాగ్రత్త మూవీ కలెక్షన్స్ స్టడీగా ఉండడం విశేషం. తొలి మూడు రోజుల్లో ఏపీ తెలంగాణల్లో 3 కోట్ల రూపాయల షేర్ ను రాబట్టాడు రాజ్ తరుణ్. వీకెండ్స్ తర్వాత కూడా కలెక్షన్స్ నిలకడగా ఉండడంతో.. ఇవాల్టితో బయ్యర్లు సేఫ్ జోన్ లోకి వచ్చేసే అవకాశాలు కనిపిస్తున్నాయి. గురువారం నుంచి కిట్టుగాడు తన కుక్కల కిడ్నాప్ లతో వచ్చిన వసూళ్లను అందరికీ లాభాల రూపంలో పంచేయనున్నాడు. ఐదు రోజుల్లోనే ఈ చిత్రం బ్రేక్ఈవెన్ కి వచ్చేయడం విశేషంగానే చెప్పాలి. స్థానికంగా ప్రతాపం చూపుతున్న కిట్టుగాడు.. గతవారం రిలీజ్ లలో నెంబర్ పొజిషన్ లో ఉన్నా.. ఓవర్సీస్ మార్కెట్లో మాత్రం కొంచెం వెనకబడ్డాడు.

ఇక్కడ పెళ్లి చూపులు పుణ్యమా అని విజయ్ దేవరకొండ నటించిన ద్వారక.. డామినేషన్ చూపిస్తోంది. మరోవైపు ఈ వారం రిలీజ్ లు కూడా ఆసక్తికరంగా ఉన్నాయి. సందీప్ కిషన్ నటించిన నగరం.. అంజలి నటించిన చిత్రాంగద.. మంచు లక్ష్మి మూవీ లక్ష్మీ బాంబ్.. అమీషా పటేల్ ఐటెం సాంగ్ చేసిన ఆకతాయి చిత్రాలు ఈ వారం రిలీజ్ కానున్నాయి. మరి వీటితో పోటీలో కిట్టుగాడు ఎవరు నెగ్గుతాడో చూడాలి.

Like Us on Facebook : https://www.facebook.com/Tupakidotcom/