అడ్డా మార్చేస్తున్న కోన వెంకట్‌

కోన వెంకట్ కి ఇప్పుడు టాలీవుడ్ లో టైం అంత బాగాలేదు. ఆశలు పెట్టుకున్న సినిమాలన్నీ గల్లంతైపోయాయి. బ్రూస్ లీ - అఖిల్ - శంకరాభరణం - సౌఖ్యం వంటి సినిమాలన్నీ దారుణమైన ఫలితాన్ని మూట కట్టుకున్నాయి. అన్నిటివెనకా ఉన్నది స్టార్ రైటర్ గా గుర్తింపు పొందిన కోన వెంకటే. దానికి తోడు బ్రూస్ లీ - అఖిల్ ఫ్లాప్స్ విషయంలో నోరు జారడం కూడా చాలా చేటు చేసింది. ఆ తర్వాత కూడా ఇక్కడ కలిసొచ్చిందేమీ లేదు. అందుకే ఇప్పుడు అడ్డా మార్చేస్తున్నాడట గురుడు.

ఇప్పుడు కోన వెంకట్‌ ముంబైలో పాగా వేసేందుకు కోన ఆఫీస్ సెటప్ చేసుకుంటున్నాడని తెలుస్తోంది.  ఇక్కడ సక్సెస్ సాధించిన స్పీడ్ లో బాలీవుడ్ వెళ్లడం వేరు. కానీ కోన ఇప్పుడు ఫ్లాప్ లు ఇచ్చినా, సక్సెస్ ఫుల్ రైటర్ గా గుర్తింపు మాత్రం బాగానే సంపాదించుకున్నాడు. దీన్ని ఉపయోగించుకుని, బాలీవుడ్ లో తన ట్యాలెంట్ చూపించాలన్నది కోన ఐడియాగా తెలుస్తోంది. ఇక్కడ కంటే అక్కడ ప్రొఫెషనలిజం - స్టాండర్డ్స్ పాళ్లు కాస్త ఎక్కువగానే ఉంటాయి. వాటిని మ్యాచ్ చేస్తూ.. కంటెంట్ అందించగల స్టామినా ఉందని ఫీలవుతున్నాడు ఈయన.

రీసెంట్ గా ఈ రైటర్ కి కొంచెం క్లోజ్ అయిన సల్మాన్ ఖాన్ కి ఓ లైన్ వినిపించాడట కూడా. అది సల్లూభాయ్ కి నచ్చడంతో.. దీన్ని డెవలప్ చేయమని కూడా చెప్పాడట. మరి ఈ ప్రాజెక్టు పట్టాలెక్కి సక్సెస్ అయితే.. కోనకి మళ్లీ గోల్డెన్ డేస్ స్టార్ట్ అయినట్లే అంటున్నారు. అయితే.. కోన మాత్రం అక్కడే సెటిల్ అయ్యేందుకు వీలుగా సెటప్ చేసేసుకుంటున్నాడని తెలుస్తోంది.