ఈయన పెన్నులో సిరా అయిపోనట్టేనా?

టాలీవుడ్‌ లో తిరుగులేని రైట‌ర్‌ గా చ‌క్రం తిప్పాడు కోన‌. స్టార్ రైట‌ర్ల‌లో డాన్ పాత్ర పోషించాడు. త‌న‌కి ఉన్న తిరుగులేని క‌మ్యూనికేష‌న్‌ తో అంద‌రినీ ఇన్‌ ఫ్లూయెన్స్ చేశాడు. కోన చెప్పిందే వేదం అయ్యింది. అత‌డితో ప‌నిచేయాల‌ని స్టార్లంతా ఉవ్విళ్లూరారు. ద‌ర్శ‌క‌నిర్మాత‌లు ఎంతో ఆసక్తి క‌న‌బ‌రిచారు. కానీ ఇటీవ‌లి కాలంలో మొత్తం సీన్ మారిపోయింది. వ‌రుస‌గా నాలుగు ఫ్లాపుల్లో అత‌డు భాగ‌స్వామి అయ్యాడు. త‌నకి ఇండ‌స్ర్టీలో ఉన్న పేరు కాస్తా చెడ‌గొట్టుకున్నాడు. ఎంతో ప్ర‌తిష్ఠాత్మ‌కంగా భావించిన సినిమాల‌న్నీ అట్ట‌ర్‌ ఫ్లాపుల‌వ్వ‌డంతో కోన ట్యాలెంటుకు మ‌ర‌క‌లు అంటుకున్నాయ్‌. ఇప్పుడు అత‌డిని న‌మ్మే ప‌రిస్థితే లేదు.

కోన స్వ‌యంగా నిర్మించి, ర‌చ‌యిత‌గా ఇన్వాల్వ్ అయిన గీతాంజ‌లి బోలెడంత పేరు తెచ్చింది. ఆ సినిమా ఎంత పేరు తెచ్చిందో అంత పేరును శంక‌రాభ‌ర‌ణం సినిమాతో పోగొట్టుకున్నాడు. అలాగే అఖిల్‌ - బ్రూస్‌ లీ లాంటి డిజాస్ట‌ర్ల‌తో పూర్తిగా జీరో అయిపోయాడు. రైట‌ర్‌ గా ఉన్న ఇమేజ్ కాస్తా డ్యామేజ్ అయిపోయింది. లౌక్యం లాంటి స‌క్సెస్‌ ని ఇచ్చిన కోన ఇప్పుడు సౌఖ్యంలాంటి అట్ట‌ర్‌ ఫ్లాప్‌ ని కూడా ఇచ్చాడు. అందుకే ఇప్పుడు కోన‌లో ఉన్న మ్యాట‌రెంతో రివీలైపోయింది. ఇటీవ‌లి కాలంలో కోన పెన్నులో సిరా అయిపోయింద‌ని అంద‌రికీ తెలిసిపోయింది. మ్యాట‌ర్ లేద‌ని రివీలైపోయింది. స‌రిగ్గా ఇలాంటి టైమ్‌ లో అత‌డిని ఆదుకునేందుకు ఓ బ్లాక్‌ బ‌స్ట‌ర్ హిట్టు ప‌డాలి. కోన‌కి ఇంకో లాస్ట్ ఛాన్స్ ఉంది. అది కూడా లౌక్యం ఫేం శ్రీ‌వాస్ రూపంలోనే. ప్ర‌స్తుతం కోన‌-శ్రీ‌వాస్ క‌లిసి ప‌నిచేసిన డిక్టేట‌ర్ ఆన్‌ సెట్స్ ఉంది. ఈ మూవీ సంక్రాంతి బ‌రిలో రిలీజ‌వుతోంది. ఇది బ్లాక్‌ బ‌స్ట‌ర్ హిట్ అయితేనే అత‌డికి నెక్స్ట్ ఛాన్సెస్ ద‌క్కేది. లేదంటే సిరా మొత్తం అయిపోయిన‌ట్టే.