మాట మార్చేసిన కోన వెంకట్

దర్శకులు తమ క్రియేటివిటీని దొబ్బేస్తున్నారు.. లేకపోతే దెబ్బేస్తున్నారు.. అంటూ కామెంట్లు చేసినవారందరూ బీభత్సమైన స్టార్లేమీ అయిపోలేదు. ఎవరో అక్కడక్కడా కొరటాల శివ వంటివారు హిట్లు కొట్టుండొచ్చు. కాని దర్శకులను తిడుతూ దర్శకపగ్గాలు చేపట్టిన చాలామంది రైటర్లు ఇప్పుడు సినిమాల్లేక ఖాళీగా ఉన్నారు. మరి ఇవన్నీ ఏమైనా ఆయన్ను ప్రభావితం చేశాయో ఏంటో తెలియదు కాని.. ఇప్పుడు రచయిత కోన వెంకట్ మాత్రం మాట మార్చేశారు.

శ్రీను వైట్లతో గొడవపడి బయటకు వచ్చాక.. రచయితగా కోన కెరియర్ లో పెద్దగా హిట్లు ఏమీ లేవు. కాకపోతే ఆయన మాత్రం ఇక రైటర్ గా తన ప్రస్థానం ముగిసిందని.. దర్శకత్వమే తరువాయి భాగం అంటూ స్టేట్మెంట్ ఇచ్చేశారు. కట్ చేస్తే ఇంతవరకు ఆయన తొలిసినిమా అనేదే లేదు. అవన్నీ పక్కనెట్టేస్తే ఆ మధ్య అమెరికాలో ఒక షార్ట్ ఫిలిం తీశారు. అది కూడా బయటకు రాలేదు. ఇప్పుడేదో కొత్తగా వెబ్ సిరీస్ ఒకటి వస్తోంది అంటున్నారు. అసలు మీ డైరక్షన్లో సినిమా ఎప్పుడు సార్ అంటే.. ఏమన్నారో తెలుసా?

''నన్ను చాలామంది స్టార్ డైరక్టర్లు డైరక్షన్ చేయొద్దు అంటున్నారు. ఇప్పుడున్న పరిస్థితుల్లో ఫిలిం ఇండస్ర్టీలో రైటర్ల కొరత ఉంది. అందుకే నాలోని రైటర్ వాళ్ళకు చాలా అవసరం అంటున్నారు. అందుకే  డైరక్షన్ చేయట్లేదు'' అంటూ కామెంట్ చేశారు కోన వెంకట. ప్చ్.. చూస్తుంటే టాలీవుడ్ లో జరుగుతున్న పరిణామాలు చూసి కోన మనస్సు మార్చుకుని మాట మార్చేసినట్లున్నారే.

Like Us on Facebook : https://www.facebook.com/Tupakidotcom/