KRKR: అసెంబ్లీలో ప‌మ్మినేని డీప్ స్లీపింగ్!

ఇటీవ‌ల విడుద‌లైన‌ క‌మ్మ‌రాజ్యంలో క‌డ‌ప‌రెడ్లు ట్రైల‌ర్ కి మంచి రెస్పాన్స్ వ‌స్తోన్న సంగ‌తి తెలిసిందే.  వ‌ర్మ డైరెక్ట్ గానే రాజ‌కీయ నాయ‌కులను టార్గెట్ చేసాడు. అధికార ప‌క్షం...ప్ర‌తిప‌క్షం ఇద్ద‌రినీ క‌లిపి త‌న‌దైన శైలిలో చూపించ‌బోతున్నాడు. ఇందులో భాగంగా కొంద‌రు నాయ‌కుల పాత్ర‌ల్ని వాటి స్వ‌భావాల్ని రివీల్ చేసాడు.

తాజాగా వ‌ర్మ మ‌రో ఇంపార్టెంట్ క్యారెక్ట‌ర్ ని ట్విట్ట‌ర్ లో రివీల్ చేశాడు.  క‌మెడియిన్ అలీ పోషిస్తోన్న రోల్ ను ఫ‌న్నీ వేలో రివీల్ చేసాడు. ఇందులో అలీ  అసెంబ్లీ స్పీక‌ర్ గా క‌నిపించ‌నున్నాడు. ఆ పాత్ర పేరు ప‌మ్మినేని రామ్ రామ్. అసెంబ్లీ లో స్పీక‌ర్ గాఢ నిద్ర‌లో ఉన్న స్టిల్ ను కూడా రిలీజ్ చేసి స్పీక‌ర్ వృత్తిప‌ట్ల నిబ‌ద్ద‌త‌ను చెప్పే ప్ర‌య‌త్నం చేసాడు. ఆప‌క్క‌నే ఉన్న‌ భంట్రోతు స్పీక‌ర్ ను నిద్ర లేపే ప్ర‌య‌త్నం చేస్తుండ‌డం క‌డుపుబ్బా న‌వ్విస్తోంది.

ప్ర‌స్తుతం జ‌గ‌న్ ప్ర‌భుత్వంలో అసెంబ్లీ స్పీక‌ర్ గా త‌మ్మినేని సీతారం ప‌నిచేస్తున్నారు. ఆ పాత్ర‌నే వ‌ర్మ ఇలా కామిక్ గా చూపిస్తున్నారు. ఇంకా ఈ చిత్రంలో ధ‌న‌రాజ్  స‌హా ప‌లువురు క‌మెడియ‌న్లతో ఆస‌క్తిక‌ర పాత్ర‌ల్ని చేయిస్తున్నారు ఆర్జీవీ. ఇత‌ర‌ పాత్ర‌ల వివ‌రాలు తెలియాల్సి ఉంది. ఇందులో ఏపీ సీఎం వైయ‌స్ జ‌గ‌న్మోహ‌న్ రెడ్డి పాత్ర‌లో రంగం ఫేం అజ్మ‌ల్ న‌టిస్తోన్న సంగ‌తి తెలిసిందే. చంద్ర‌బాబు పాత్ర‌కు ఓ కొత్త ఆర్టిస్టును ఎంపిక చేశారు. ప్ర‌తిపాత్ర‌లో సెటైర్లు .. పంచ్ లు.. లైవ్ పాలిటిక్స్ ని తూట్లు పొడుస్తూ ఆర్జీవీ ఆడిస్తున్న ఆస‌క్తిక‌ర పొలిటిక‌ల్ డ్రామా ఇది.