బాలీవుడ్ బాద్షా సరసన లేడీ సూపర్ స్టార్..?

కోలీవుడ్ స్టార్ డైరెక్టర్ అట్లీ కుమార్ రెండేళ్లుగా తన తదుపరి సినిమా విషయంలో క్లారిటీ లేకుండా ఉన్నాడు. ఇప్పటికే అట్లీ చివరి సినిమా బిగిల్ విడుదలై రెండేళ్లు దాటింది. మరి ఈ లెక్కన అట్లీ ఏమో బిగిల్ ముందు నుండే బాలీవుడ్ బాద్షా షారుఖ్ ఖాన్ తో సినిమా చేసేందుకు ఆసక్తిగా వెయిట్ చేస్తున్నాడు. అంటే ఎన్నేళ్లు గడిచినా తదుపరి సినిమా షారుఖ్ తో చేయాలనే గట్టి నిర్ణయం తీసుకున్నాడు అట్లీ. అయితే షారుఖ్ కూడా పలుమార్లు కలిసి మాట్లాడి స్క్రిప్ట్ విని సైలెంట్ అయిపోవడంతో అభిమానులకు కూడా ఏది క్లారిటీ లేకుండా పోతుంది.

అయితే షారుఖ్ తో అట్లీ తీయబోయే సినిమాకు ప్రస్తుతం సంకి అనే పేరు ప్రచారం అవుతోంది. అలాగే షారుఖ్ కూడా ఇటీవలే వరుసగా సినిమాలు లైనప్ చేస్తున్నాడు. ప్రస్తుతం షారుఖ్ పఠాన్ అనే సినిమాలో నటిస్తున్నాడు. తదుపరి సినిమా అట్లీతోనే అనే చర్చలు నడుస్తున్నాయి. కానీ షారుఖ్ మైండ్ లో ఏముందో ఎవరికి అర్ధం కావడం లేదు. అలాగని షారుఖ్ కూడా ఒక్కమాటతో ఫినిష్ చెయ్యట్లేదు. ఓవైపు డైరెక్టర్ అట్లీ ఇంకెంత కాలం వెయిట్ చేస్తాడనే కామెంట్స్.. మరోవైపు షారుఖ్ అట్లీని ఇంకెంతకాలం వెయిట్ చేయిస్తాడని అభిప్రాయాలు వ్యక్తం అవుతున్నాయి.

అయితే మాక్సిమం షారుఖ్ తో అట్లీ సినిమా ఖరారు అయినట్లే అంటున్నాయి బాలీవుడ్ వర్గాలు. తాజాగా ఈ సినిమాలో హీరోయిన్ గురించి చర్చలు జరుగుతున్నాయి. ఈసారి షారుఖ్ సరసన హీరోయిన్ కూడా సౌత్ నుండే ఉండబోతుందని టాక్. అందులోను లేడీ సూపర్ స్టార్ నయనతార పేరు బలంగా వినిపిస్తుంది. కానీ ఆల్రెడీ బాలీవుడ్ వర్గాలలో స్టార్ హీరోయిన్ దీపికా పేరు హల్చల్ చేస్తోంది. మరి ఇంతకీ ఎవరినేది తెలియాలంటే సినిమా పై క్లారిటీ వచ్చేవరకు ఆగాల్సిందే. ప్రస్తుతం సినిమా పై సోషల్ మీడియాలో వార్తలు వైరల్ అవుతున్నాయి.