తెలుగునాట ఒక చారిత్రక బయోపిక్ కు రంగం సిద్ధమవుతోంది. తెలుగు చరత్ర ఉన్నంత కాలంలో ఆ చరిత్రలో అత్యంత ప్రముఖుడుగా నిలిచిపోయే ఎన్టీఆర్ మీద బయోపిక్ తీయబోతున్నట్లు ఆయన తనయుడు నందమూరి బాలకృష్ణ చెప్పడం రెండు రోజులుగా తీవ్ర చర్చనీయాంశమైంది. చాలామంది బతికి ఉండగానే బయోపిక్స్ రెడీ అయిపోతుండగా.. రెండు దశాబ్దాల కిందట చనిపోయిన ఎన్టీఆర్ మీద ఇప్పటిదాకా బయోపిక్ రాకపోవడం ఒకింత ఆశ్చర్యం కలిగించేదే. తెలుగునాట బయోపిక్ చేయడానికి ఎన్టీఆర్ కంటే అర్హుడు మరొకరు ఉండరనే విషయంలో భిన్నాభిప్రాయాలుండవు.
సినిమా రంగంలో.. రాజకీయ రంగంలో అత్యున్నత స్థాయికి ఎదిగిన ఎన్టీఆర్ జీవితంలో ఎన్నెన్నో మలుపులున్నాయి. ముఖ్యంగా ఆయన చరమాంకంలోని మలుపులు అలాంటిలాంటివి కావు. ఆ మలుపుల్ని సినిమాలో ఎలా చూపిస్తారన్నది ఇప్పుడందరిలోనూ ఆసక్తి రేకెత్తిస్తున్న ప్రశ్న. లక్ష్మీ పార్వతి వ్యవహారం.. చంద్రబాబు వెన్నుపోటు వ్యవహారం.. లాంటి వాటిని బాలయ్య అండ్ కో ఎలా చూపిస్తుందో చూడాలి. దీని గురించి రాజకీయ వర్గాల్లోనూ చర్చ మొదలైంది. ఎన్టీఆర్ మీద బయోపిక్ తీస్తే అందులో విలన్ పాత్రధారి లక్ష్మీ పార్వతే అంటూ టీడీపీ ఎమ్మెల్యే బొండా మహేశ్వరరావు వ్యాఖ్యానించడంపై దుమారం రేగుతోంది. వెంటనే లక్ష్మీ పార్వతి ఈ వ్యాఖ్యలపై స్పందించింది. ఎన్టీఆర్ మీద బయోపిక్ ఎలా చేస్తారనే విషయంలో తనకు సందేహాలున్నాయని.. సినిమాలో ఏదైనా వక్రీకరించి చూపిస్తే తాను కోర్టుకు వెళ్తానని ఆమె హెచ్చరించారు. దీంతో ఆలూ లేదు.. చూలు లేదు అన్నట్లు ఎన్టీఆర్ బయోపిక్ మీద కోర్టుకెళ్లడమేంటి అన్న చర్చ మొదలైంది. మొత్తానికి ఎన్టీఆర్ మీద సినిమా చేయాలే కానీ.. దానికి విపరీతమైన హైప్ వస్తుందన్నది మాత్రం అర్థమైంది.
Full View
Like Us on Facebook : https://www.facebook.com/Tupakidotcom/
సినిమా రంగంలో.. రాజకీయ రంగంలో అత్యున్నత స్థాయికి ఎదిగిన ఎన్టీఆర్ జీవితంలో ఎన్నెన్నో మలుపులున్నాయి. ముఖ్యంగా ఆయన చరమాంకంలోని మలుపులు అలాంటిలాంటివి కావు. ఆ మలుపుల్ని సినిమాలో ఎలా చూపిస్తారన్నది ఇప్పుడందరిలోనూ ఆసక్తి రేకెత్తిస్తున్న ప్రశ్న. లక్ష్మీ పార్వతి వ్యవహారం.. చంద్రబాబు వెన్నుపోటు వ్యవహారం.. లాంటి వాటిని బాలయ్య అండ్ కో ఎలా చూపిస్తుందో చూడాలి. దీని గురించి రాజకీయ వర్గాల్లోనూ చర్చ మొదలైంది. ఎన్టీఆర్ మీద బయోపిక్ తీస్తే అందులో విలన్ పాత్రధారి లక్ష్మీ పార్వతే అంటూ టీడీపీ ఎమ్మెల్యే బొండా మహేశ్వరరావు వ్యాఖ్యానించడంపై దుమారం రేగుతోంది. వెంటనే లక్ష్మీ పార్వతి ఈ వ్యాఖ్యలపై స్పందించింది. ఎన్టీఆర్ మీద బయోపిక్ ఎలా చేస్తారనే విషయంలో తనకు సందేహాలున్నాయని.. సినిమాలో ఏదైనా వక్రీకరించి చూపిస్తే తాను కోర్టుకు వెళ్తానని ఆమె హెచ్చరించారు. దీంతో ఆలూ లేదు.. చూలు లేదు అన్నట్లు ఎన్టీఆర్ బయోపిక్ మీద కోర్టుకెళ్లడమేంటి అన్న చర్చ మొదలైంది. మొత్తానికి ఎన్టీఆర్ మీద సినిమా చేయాలే కానీ.. దానికి విపరీతమైన హైప్ వస్తుందన్నది మాత్రం అర్థమైంది.
Like Us on Facebook : https://www.facebook.com/Tupakidotcom/