లిప్ లాక్ కూడా ఉందట

స్టార్ హీరోగా గుర్తింపు పొందాలంటే ఎంతగా కష్టపడలో చెప్పాల్సిన అవసరం లేదు. ఫ్యామిలీ బ్యాక్ గ్రౌండ్ తో పరిచయం అవుతున్నప్పటికి ప్రేక్షకులను ఆకట్టుకోవడంలో విఫలమైతే ఎంత సపోర్ట్ ఉన్నా వృధా. ముఖ్యంగా మాస్ కుర్రకారును ఆకట్టుకునే విధంగా సినిమాలు చేయగలిగితే వారికి తిరుగు లేనట్టే. ఇక ఈ సారి కుర్రకారును ఎక్కువగా ఆకర్షించడానికి పూరి జగన్నాథ్ తనయుడు ఆకాష్ మెహబూబా ద్వారా హీరోగా పరిచయం అవుతున్నాడు.

మాస్ అభిమానుల పల్స్ తెలిసిన పూరి హీరో పాత్రను డిఫరెంట్ గా చూపించడంలో ప్రత్యేక శైలిని కలిగి ఉన్నాడు. అతని సినిమాల్లో చేసిన ప్రతి హీరోని  గుర్తుండి పోయే విధంగా ఒక గుర్తింపు తెచ్చాడు. ఇకపోతే రొమాంటిక్ లో కూడా పూరి డైరెక్షన్ చాలా వినూత్నంగా ఉంటుంది. మెహబూబా లో కూడా రొమాంటిక్ టచ్ బాగానే ఉన్నట్టు తెలుస్తోంది. ముఖ్యంగా లిప్ లాక్ సీన్స్ స్పెషల్ అట్రాక్షన్ గా నిలుస్తాయని టాక్ వస్తోంది. అందుకే సినిమాకు ఓ విధంగా సెన్సార్ బోర్డ్ నుంచి యూ/ఏ వచ్చిందని సమాచారం.

పూరి తన కొడుకుతో నేహా శెట్టి కి లిప్ లాక్ పెట్టించడం ఇప్పుడు హాట్ టాపిక్ గా మారింది. ఆ సీన్ ఎలా ఉంటుందా అనే కామెంట్స్ వస్తున్నాయి. మాస్ కుర్రకారులో ఇది నచ్చే అంశమే. మంచి టైమింగ్ లో రొమాంటిక్ సీన్ పడితే ఆ కిక్కే వేరు. ఇప్పటికే ట్రైలర్ సినిమాపై అంచనాలు పెంచింది. మొదటి షోకే పాజిటివ్ టాక్ ను తెచ్చుకుంటే ఆకాష్ తనకంటూ ఓ క్రేజ్ సంపాదించుకుంటాడు.  మరి పూరి జగన్నాథ్ ఈ సారి చేస్తున్న ప్రయోగం ఎంతవరకు వర్కౌట్ అవుతుందో చూడాలి.