'లోఫర్' సినిమా ఆడియో రిలీజ్‌ అయిన సంగతి తెలిసిందే. ఈ సందర్బంగా మరో కొత్త ధియేట్రికల్‌ ట్రైలర్‌ ను కూడా రిలీజ్‌ చేశారు. పదండి ఎలా ఉందో చూద్దాం.
లోఫర్ సినిమాను ఆద్యంతం ఒక మాస్‌ మసాలా ఎంటర్‌ టైనర్‌ గా పూరి జగన్‌ రూపొందించాడని ట్రైలర్‌ ను చూస్తుంటే అర్దమైపోతోంది. వరుణ్‌ తేజ్‌ ఫుల్ మాస్‌ అవతార్‌ లో అదిరిపోయాడు. తొలిసారి ఇలా కనిపిస్తున్నాడేమో.. చాలా కిక్కిస్తున్నాడు. ఇక దిషా పాట్నీ ఏమీ తక్కవుది కాదు. ఆమె కూడా హాటు హాటుగా ఉంది. డ్యాన్సుల్లో ఇరగతీసేసింది. అయితే ఈ ట్రైలర్‌కు అసలు ఎట్రాక్షన్‌ మాత్రం తల్లి క్యారెక్టర్‌ చేసిన రేవతి.. తండ్రి క్యారెక్టర్‌ చేసిన పోసాని కృష్ణమురళి. ఆమె సెంటిమెంటుతో అదరగొడితే.. పోసాని కామెడీతో ఇరగదీశాడు. చూస్తుంటే ఇది మరో అమ్మానాన్న ఓ తమిళమ్మాయ్‌ సినిమా తరహాలో ఉంటుందేమో.
ఇకపోతే పిజి విందా సినిమాటోగ్రాఫీ.. సునీల్‌ కాశ్యప్‌ మ్యూజిక్‌.. రెండూ బాగున్నాయ్‌. ఓవరాల్‌గా సి.కళ్యాన్‌ భారీగానే ఖర్చుపెట్టి ఈ సినిమాను అద్భుతంగా రూపొందించనట్టే కనిపిస్తోంది. మరి మాస్‌ తో దంచేసిన లోఫర్ డిసెంబర్‌ 17/18న వస్తున్నాడట. అప్పటివరకు వెయిట్‌ చేయండి.