'వసంత కోకిల' నుంచి దేవిశ్రీ వదిలిన బ్యూటిఫుల్ మెలోడీ 'లోకాలే విడిచి'

'డిస్కో రాజా' సినిమాతో టాలీవుడ్ లో ఎంట్రీ ఇచ్చిన నేషనల్ అవార్డ్ విన్నర్ బాబీ సింహా హీరోగా నటిస్తున్న సినిమా ''వసంత కోకిల''. డెబ్యూ డైరెక్టర్ రమణన్ పురుషోత్తమ ఈ చిత్రాన్ని తెరకెక్కిస్తున్నాడు. రామ్ తాళ్లూరి సమర్పణలో ఎస్.ఆర్‌.టి. ఎంటర్టైన్మెంట్స్ మరియు ముద్రాస్ ఫిల్మ్ ఫ్యాక్టరీ బ్యానర్స్ పై రజినీ తాళ్లూరి - రేష్మీ సింహా ఈ చిత్రాన్ని నిర్మిస్తున్నారు. ఇప్పటికే విడుదలైన ప్రచార చిత్రాలు సినిమాపై ఆసక్తిని కలిగించాయి. ఈ క్రమంలో తాజాగా 'వసంత కోకిల' నుంచి 'లోకాలే విడిచి' అనే పాటను చిత్ర బృందం రిలీజ్ చేసింది.

'లోకాలే విడిచి.. భారాలే వదిలి.. పోదాం పోదాం దూరమే..' అంటూ సాగిన ఈ మెలోడీ సాంగ్ శ్రోతలను ఆకట్టుకుంటోంది. 'ప్రేమమ్' సినిమాకి అద్భుతమైన సంగీతాన్ని అందించిన మ్యూజిక్ డైరెక్టర్ రాజేష్ మురుగేసన్ మరోసారి తన మ్యాజిక్ చూపించాడు. దీనికి లిరిసిస్ట్ చంద్రబోస్ అందమైన పదాలతో వినసొంపైన సాహిత్యం జోడించారు. ఈ గీతాన్ని శక్తి శ్రీ గోపాలన్ - విజయ్ ఏసుదాస్ - రాజేష్ మురుగేసన్ కలిసి ఆలపించారు. గోపీ అమర్నాథ్ సినిమాటోగ్రఫీ అందించగా.. వివేక్ హర్షన్ ఎడిటింగ్ వర్క్ చేస్తున్నారు.  'వసంత కోకిల' చిత్రాన్ని బడ్జెట్ తో తెలుగు తమిళ భాషల్లో రూపొందిస్తున్నారు. త్వరలోనే ప్రేక్షకుల ముందుకు తీసుకురావడానికి మేకర్స్ సన్నాహకాలు చేస్తున్నారు.