ఫస్ట్ స్టెప్ సక్సెస్.. నెక్స్ట్ ఏంటో చూడాలి!

ఈ జెనరేషన్ దర్శకుల్లో చాలామందికి సూపర్ స్టార్ మహేష్ బాబును డైరెక్ట్ చేయాలనే ఉంటుంది. కానీ ఇప్పుడు అదంత సులువుగా దొరికే అవకాశం మాత్రం కాదు.  ముఖ్యంగా 'బ్రహ్మోత్సవం'.. 'స్పైడర్' లాంటి సినిమాల తర్వాత బౌండ్ స్క్రిప్ట్ తో మెప్పిస్తేనే మహేష్ ఏ దర్శకుడికైనా గ్రీన్ సిగ్నల్ ఇస్తున్నాడు. ఇదిలా ఉంటే తాజాగా మహేష్ ను డైరెక్ట్ చేసే ప్రాబబుల్ డైరెక్టర్స్ లిస్టులో పరశురామ్ పేరు కూడా జాయిన్ అయింది.

'గీతగోవిందం' తో బ్లాక్ బస్టర్ విజయం సాధించిన పరశురామ్ ఇంకా తన నెక్స్ట్ సినిమాను ప్రకటించలేదు. కానీ 'గీత గోవిందం' చిత్రాన్ని నిర్మించిన గీతా ఆర్ట్స్ లోనే పరశురామ్ తదుపరి చిత్రం కూడా ఉంటుదన్నది మాత్రం కన్ఫాం అయింది.  నెక్స్ట్ సినిమాను ఒక స్టార్ హీరోతో తెరకెక్కించాలనే పట్టుదలతో ఉన్నాడట. ఇప్పుడు ఆ దిశగా అడుగులు పడుతున్నాయని టాక్.  రీసెంట్ గా సూపర్ స్టార్ మహేష్ బాబును కలిసి పరశురామ్ ఒక ఇంట్రెస్టింగ్ స్టొరీ లైన్ ను వినిపించాడట.  మహేష్ కు ఆ లైన్ నచ్చడంతో ఫుల్ గా డెవలప్ చేయమని కోరాడట.  అంటే దీనర్థం మహేష్ - పరశురామ్ సినిమా ఫైనలైజ్ అయిపోయిందని కాదు.   మహేష్ తో సినిమా దిశగా మొదటి అడుగు పడ్డట్టు.

మహేష్ తాజా చిత్రం 'మహర్షి' మే లో రిలీజ్ అవుతుంది.  ఈ సినిమా తర్వాత అనిల్ రావిపూడి దర్శకత్వంలో మహేష్ తన నెక్స్ట్ సినిమా చేసేందుకు రెడీ అవుతున్నాడు. ఈ సినిమా తర్వాతే పరశురామ్ కు అవకాశం ఉంటుంది. కానీ కండిషన్ ఏంటంటే పరశురామ్ తన ఫుల్ స్క్రిప్ట్ తో సూపర్ స్టార్ ను మెప్పించాల్సిందే. లేకపోతే అవకాశం మిస్ అయినట్టే.