మహేష్‌ ఓకే చేసింది ఎన్టీఆర్‌ స్ర్కిప్టా?

నాన్నకు ప్రేమతో తర్వాత.. ఎన్టీఆర్ చేయబోయే మూవీపై క్లారిటీ వచ్చేసింది. కొరటాల మూవీకి కొబ్బరికాయ కొట్టేశాడు ఎన్టీఆర్. అయితే.. దీనికి ముందు యంగ్ టైగర్ మూవీ విషయంలో ఓ పెద్ద న్యూస్ టాలీవుడ్ లో చక్కర్లు కొట్టింది. మురుగదాస్ అందించే కథలో.. ఎన్టీఆర్  హీరోగా చేస్తాడని భావించారు. ఈ మూవీ దాదాపు ఫైనల్ అయిందనే అనుకున్నారు అందరూ. తీరా చివరకు మురుగ స్టోరీ విషయం పక్కకెళ్లిపోయింది.

ఇక్కడో విషయం చెప్పుకోవాలి. మురుగదాస్ ఇచ్చిన స్టోరీని ఎన్టీఆర్ రిజెక్ట్ చేశాడని అనుకోవడానికి లేదు. ఎందుకంటే..  ఇతగాడు సోషల్ మెసేజ్ ని కమర్షియల్ ఎలిమెంట్స్ తో మైండ్ బ్లోయింగ్ గా మిక్స్ చేస్తాడు. ఈ  విషయం చాలాసార్లు ప్రూవ్ అయింది. తమిళ్ - తెలుగు మాత్రమే కాకుండా.. బాలీవుడ్ లోనూ మంచి క్రేజ్ ఉన్న డైరెక్టర్ కం రైటర్ మురుగదాస్.  కాంబినేషన్ వర్కవుట్ అయితే.. ఈ మూవీని దిల్ రాజు నిర్మిస్తాడని, గోపీచంద్ మలినేని డైరెక్షన్ చేస్తాడని అన్నారు. ఇప్పుడు వరుణ్ తేజ్ తో మూవీకి రెడీ అవుతున్నాడు గోపీచంద్. అలా అని ఇది మురుగ స్టోరీ కాదులెండి. ఇదో స్పోర్ట్స్  బ్యాక్ డ్రాప్ లో వచ్చే సినిమా. అయితే.. దిల్ రాజు - గోపిచంద్ మలినేని, మురుగదాస్.. ఈ ముగ్గురూ కలిసి ఓ కథ వండించిన మాట మాత్రం వాస్తవమే. ఇది ఎన్టీఆర్ కోసం కాదనే విషయం తేలిపోయింది.

మరిప్పుడు రెడీ చేసిన రెడీమేడ్ స్టోరీని.. ఎవరికోసం చేయించి ఉంటారో అనే ఆసక్తి మొదలైంది. అయితే మహేష్‌ బాబు ఓకే చేసింది ఈ స్ర్కిప్టేనా అనేది తేలాల్సిన విషయం.