పీవీపీకి మహేష్ లాంగ్ బ్రేక్ ఇచ్చేశాడా?

మహేష్ బాబు లాంటి సూపర్ స్టార్ తో.. పీవీపీ లాంటి భారీ ప్రొడ్యూసర్ సినిమా సహజంగా ఫ్యాన్స్ సంతోషించాలి. కానీ మహేష్ ఫ్యాన్స్ మాత్రం ఈ కాంబో పేరు చెబితేనే ఉలిక్కిపడుతుంటారు. బ్రహ్మోత్సవం మూవీ ఇచ్చిన షాక్ అది. దాన్ని ఇప్పుడప్పుడే మరిచిపోయే పరిస్థితి లేదు. ఇండస్ట్రీ బిగ్గెస్ట్ డిజాస్టర్లలో ఒకటిగా నిలిచిన గ్రేట్ హిస్టరీ ఆ చిత్రానికి ఉంది.

మహేష్-పీవీపీ కాంబినేషన్ లో మరో చిత్రం రావాల్సి ఉన్నా.. అది మాత్రం మెటీరియలైజ్ కావట్లేదు. మహేష్-వంశీ పైడిపల్లి-పీవీపీ కాంబినేషన్ లో తెరకెక్కాల్సిన చిత్రానికి నిర్మాత మారిపోయాడనే టాక్ ఇప్పటివరకూ నడవగా.. ఇప్పుడది నిజమే అని తేలిపోయిందట. మహేష్- పైడిపల్లి చిత్రాన్ని దిల్ రాజు చేతిలో పెట్టేశారట. ట్విస్ట్ ఏంటంటే.. అశ్వీనీదత్ ఈ మూవీ నిర్మాణంలో భాగస్వామి కావడం. అప్పుడెప్పుడో సైనికుడు టైమ్ లో ఇచ్చిన వాగ్దానాన్ని ఇలా కో-ప్రొడక్షన్ తో కంప్లీట్ చేస్తున్నాడట మహేష్.

మరి పీవీపీకి మహేష్ ఏం చెప్పుంటాడబ్బా అనే డౌట్ కామన్. ఫ్యూచర్ లో తప్పకుండా చేద్దామని.. ప్రస్తుతానికి తాను చెప్పిన కాంబినేషన్ లో సినిమా చేసేందుకు అంగీకరించాలని మహేష్ చెప్పడంతో.. ఇక చేసేదేం లేక సైలెంట్ అయ్యాడట పీవీపీ. ఫ్యూచర్ లో అంటే ఇతమిత్థంగా ఇంత టైమ్ అనేదేమీ అనుకోలేదటలే. మొత్తానికి పెద్ద ప్రొడ్యూసర్ ని స్మూత్ గా హ్యాండిల్ చేసి సైలెంట్ గా సైడ్ చేసేశారని గుసగుసలాడుకుంటున్నారు టాలీవుడ్ జనాలు.

Like Us on Facebook : https://www.facebook.com/Tupakidotcom/