అభిమానుల కోపం మహేష్ ను తాకింది

ఒకటా రెండా.. ఎనిమిది నెలలు దాటింది మహేష్ బాబు కొత్త సినిమా రిలీజై. మామూలుగా ఓ కొత్త సినిమా మొదలైందంటే నెలా రెండు నెలల్లో ఫస్ట్ లుక్ లాంచ్ చేస్తుంటారు. కానీ ఇప్పటిదాకా మహేష్ సినిమాకు సంబంధించి ఫస్ట్ లుక్ కాదు కదా.. కనీసం టైటిల్ లోగోను కూడా లాంచ్ చేయలేదు. ఇదిగో అదిగో అంటూ కొత్త ముహూర్తాలు ప్రకటిస్తున్నారు. కానీ ఏ విశేషమూ బయటికి రావట్లదు. ఈ నెలలో ఒకటికి రెండు డేట్లు వినిపించాయి. మార్చి 9న పక్కా అన్నారు. తర్వాత ఉగాదికి ఖాయం అన్నారు. రెండూ డేట్లూ దాటిపోయాయి. మొన్న ఉగాదికి మురుగదాస్ ఫస్ట్ లుక్ ఏమీ రుచి చూపించకుండా మహేష్ అభిమానులకు శుభాకాంక్షలు చెప్పేసరికి వాళ్లకు మండిపోయింది. వాళ్లు మురుగదాస్ ను తిట్టిపోయడం మొదలుపెట్టారు. అభిమానులు ఎంత అసహనంతో ఉన్నారో అప్పుడు బాగానే అర్థమైనట్లుంది మహేష్ కు.

ఇప్పటిదాకా ఫస్ట్ లుక్ గురించి ఒక్క మాటా మాట్లాడని మహేష్.. ట్విట్టర్లో స్పందించాడు. అభిమానులు ఎంత ఆత్రుతగా ఫస్ట్ లుక్ కోసం ఎదురు చూస్తున్నారో  తనకు తెలుసని.. అతి త్వరలో దీన్ని లాంచ్ చేస్తామని.. కొంచెం ఓపిక పట్టాలని అన్నాడు మహేష్. సూపర్ స్టార్ కుటుంబానికి అత్యంత సన్నిహితుడైన పీఆర్వో బీఏ రాజు చెబుతున్న ప్రకారం.. వియత్నాం షెడ్యూల్ ముగించుకుని ఏప్రిల్ 2న హైదరాబాద్‌ కు రానున్న మహేష్ అండ్ టీం వెంటనే ఫస్ట్ లుక్ లాంచ్ డేట్ ప్రకటిస్తుందట. ఏప్రిల్ 10 లోపే ఫస్ట్ లుక్ లాంచ్ ఉండొచ్చని తెలుస్తోంది.

Like Us on Facebook : https://www.facebook.com/Tupakidotcom/