ఆచార్యకు ఓకె చెప్పిన సూపర్ స్టార్!

మెగాస్టార్ చిరంజీవి - కొరటాల శివ కాంబినేషన్లో 'ఆచార్య' చిత్రం తెరకెక్కుతున్న సంగతి తెలిసిందే. ఈ సినిమాలో ఒక కీలక పాత్ర గురించి గత కొంత కాలంగా జోరుగా చర్చలు సాగుతున్నాయి.  మొదట ఈ పాత్రలో చరణ్ నటిస్తారని అన్నారు.  తర్వాత మహేష్ బాబు.. అల్లు అర్జున్ పేర్లు తెరపైకి వచ్చాయి.  అయితే ఈ క్యామియోలో ఎవరు నటిస్తారనే విషయం  పెద్ద కన్ఫ్యూజన్ గా మారిపోయింది.

తాజా సమాచారం ప్రకారం 'ఆచార్య' లో అతిథి పాత్రకు సూపర్ స్టార్ మహేష్ బాబు గ్రీన్ సిగ్నల్ ఇచ్చారట.  ఇది నిజంగా సెన్సేషనల్ న్యూస్ అనే చెప్పాలి. చిరంజీవి సినిమాలో ఇలా మహేష్ బాబు నటించడం మొదటిసారి కావడంతో ప్రేక్షకుల్లో ఆసక్తి పెంచడం ఖాయం.  మహేష్ గతంలో 'సీతమ్మ వాకిట్లో సిరిమల్లె చెట్టు' సినిమాలో వెంకటేష్ తో కలిసి నటించారు.  అయితే అది మల్టిస్టారర్.  ఇప్పుడు మాత్రం ఈ సినిమాలో మహేష్ పాత్ర ఒక క్యామియోనే.  మహేష్ పెద్ద స్టార్ హీరో అయినప్పటికీ ఇలా చిరంజీవి మీద గౌరవంతో అతిథిపాత్రకు వెంటనే ఒప్పుకోవడంతో సర్వత్రా ప్రశంసలు కురిపిస్తున్నారు.

అయితే మహేష్ నటించడం పై కొరటాల టీమ్ నుంచి అధికారికంగా ప్రకటన రావాల్సి ఉంది. ఈమధ్య వంశీ పైడిపల్లి సినిమా క్యాన్సిల్ కావడంతో మహేష్ పై విమర్శలు వెల్లువెత్తాయి. మెగాస్టార్ సినిమాకు గ్రీన్ సిగ్నల్ ఇవ్వడంతో మహేష్ కు మెగా ఫ్యాన్స్ నుంచి కూడా మద్దతు దక్కుతోంది.  ఇదంతా బాగానే ఉంది కానీ రామ్ చరణ్ ఈ సినిమాలో నటిస్తున్నాడని.. మహేష్ నటించడం లేదని కొన్ని వార్తలు వస్తూ ఉండడం గమనార్హం.