రెండు పాత్ర‌ల‌ను బేస్ చేసుకుని క‌న్ప్యూజ‌న్ డ్రామాతో

మాస్ మ‌హారాజా ర‌వితేజ క‌థానాయ‌కుడిగా త్రినాధ‌రావు న‌క్కిన దర్శ‌క‌త్వంలో `ధ‌మాకా` చిత్రం ఇటీవ‌ల ప్రారంభ‌మైన సంగ‌తి తెలిసిందే. ప్ర‌స్తుతం ర‌వితేజ `రామారావు ఆన్ డ్యూటీ` చిత్రీక‌ర‌ణ‌లో బిజీగా ఉన్నారు.  ఈ సినిమా షూటింగ్ క్ల‌మాక్స్ కి చేరుకుంది. త్వ‌ర‌లోనే `ధ‌మాకా` యూనిట్ రెగ్యుల‌ర్ షూటింగ్ కి వెళ్ల‌నుంది. ఇందులో ఒక హీరోయిన్ కొత్త ` పెళ్లి సంద‌డి ` న‌టి శ్రీలీల ఒక హీరోయిన్ గా ఎంపికైన‌ట్లు ప్ర‌చారం సాగుతోంది. మ‌రో హీరోయిన్ కోసం సెర్చ్ చేస్తున్న‌ట్లు స‌మాచారం. తాజాగా ఈ సినిమా స్టోరీకి సంబంధించి ఓ ఇంట్రెస్టింగ్ అప్ డేట్ వైర‌ల్ అవుతోంది.  

ఇది ప‌క్కా త్రినాధ‌రావు మార్క్ చిత్ర‌మ‌ని ఇన్ సైడ్ టాక్.  ఇందులో ర‌వితేజ ద్విపాత్రాభిన‌యం చేయ‌బోతున్నారుట‌. రెండు పాత్ర‌ల‌ను బేస్ చేసుకుని క‌న్ప్యూజ‌న్ డ్రామాతో న‌డిపించ‌నున్నారుట‌. ఇక్క‌డ మ‌రో ట్విస్ట్ కూడా ఉంది. ర‌వితేజ పాత్ర నిజంగానే డ్యూయ‌ల్ రోల్ నా?  లేక ఒకేపాత్ర‌లో డిఫ‌రెంట్ వేరియ‌ష‌న్స్ లో చూపిస్తారా? అన్న‌ది ఇంట‌ర్వెల్  బ్యాంగ్ వ‌ర‌కూ త‌లయ‌దట‌. స‌రిగ్గా ఈ పాయింట్ న‌చ్చే ర‌విత‌జ స్ర్కిప్ట్ ని లాక్ చేసిన‌ట్లు వినిపిస్తోంది. ర‌వితేజ మార్క్ టైమింగ్ కామెడీతో ఆక‌ట్టుకోవ‌డం ఖాయ‌మంటున్నారు. స్ర్కిప్ట్ ని ప‌క్కా క‌మ‌ర్శియ‌ల్ గానే మ‌లిచిన‌ట్లు తెలుస్తోంది.

త్రినాధ‌రావు న‌క్కిన గత చిత్రాల‌న్ని ఇదే పాయింట్ ని బేస్ చేసుకుని సక్సెస్ అందుకున్నారు. `సినిమా చూపిస్త‌మావ‌`.. `నేను లో క‌ల్`..`హ‌లో గురు ప్రేమ కోస‌మే` చిత్రాలతో  హ్యాట్రిక్ విజ‌యాలు అందుకున్నారు. దీంతో మాస్ రాజాతో చేస్తోన్న సినిమాపైనా భారీ అంచ‌నాలు ఏర్ప‌డుతున్నాయి. ఇప్ప‌టికే టైటిల్ కి మంచి రెస్పాన్స్ వ‌చ్చింది. `ధ‌మాకా` అనే క్యాచీ టైటిల్ ఆడియ‌న్స్ లోకి దూసుకుపోయింది. సినిమా కూడా స‌క్సెస్  అందుకుని దుమ్ము లేపాల‌ని ఆశిద్దాం.