టాలెంటెడ్ హీరో అడివి శేష్ నటిస్తున్న ఫస్ట్ పాన్ ఇండియా మూవీ ''మేజర్''. 26/11 హీరో మేజర్ సందీప్ ఉన్నికృష్ణన్ జీవితం ఆధారంగా ఈ సినిమా తెరకెక్కింది. శశి కిరణ్ తిక్క దర్శకత్వం వహించిన ఈ చిత్రాన్ని మహేష్ బాబు జీఏంబీ ఎంటర్టైన్మెంట్స్ - ఏ ప్లస్ ఎస్ మూవీస్ తో కలిసి సోనీ పిక్చర్స్ ఫిల్మ్స్ ఇండియా భారీగా నిర్మించింది. ఈ ప్రతిష్టాత్మక చిత్రాన్ని తెలుగు, హిందీ, మలయాళం భాషల్లో జూన్ 3న ప్రపంచ వ్యాప్తంగా విడుదల చేయనున్నారు. ఈ నేపథ్యంలో 'మేజర్' లో కీలక పాత్ర పోషించిన తెలుగమ్మాయి శోభితా ధూళిపాళ మీడియాతో ముచ్చటించారు. ఆ విశేషాలు...
* 'మేజర్' ప్రాజెక్ట్ లోకి ఎలా వచ్చారు?
౼ 'గూడచారి' సినిమా చేస్తున్నపుడే హీరో అడవి శేష్ లో మేజర్ సందీప్ ఉన్నికృష్ణన్ అంటే ఒక ఆరాధన భావం గమనించాను. మేజర్ సందీప్ ఉన్నికృష్ణన్ జీవితంపై శేష్ ఎప్పటి నుండో రీసెర్చ్ చేస్తున్నారు. గూడచారి షూటింగ్ లో సందీప్ జీవితం గురించి చాలా ఆసక్తికరమైన సంగతులు చెప్పేవారు. ఐతే ఈ సినిమాలో నేను కూడా చేస్తానని అప్పుడు తెలీదు. ఒక విధంగా ఈ కథకి నేనే ఫస్ట్ ఆడియన్.
* 'గూడచారి' తర్వాత తెలుగులో సినిమాలు చేయకపోవడానికి కారణం?
౼ నాకూ తెలుగులో ఎక్కువ సినిమాలు చేయాలనే వుంది. ఈ గ్యాప్ కి కరోనా ఒక కారణంగా భావిస్తా. కరోనా లేకపోతే 'మేజర్' ఏడాది క్రితమే వచ్చేది. ఐతే సౌత్ లో 'కురుప్' సినిమా చేశా. అలాగే మణిరత్నం గారితో 'పొన్నియన్ సెల్వన్' చేస్తున్నా. చుట్టుపక్కల అన్ని రాష్ట్రాల్లో చేస్తున్నా కానీ.. తెలుగులోనే ఐతే సరిగ్గా కుదరడం లేదు. అయితే రానున్న రోజుల్లో తెలుగులో కూడా ఎక్కువ సినిమాలు చేయాలని ఆశిస్తున్నా.
* స్థానిక నటుల పట్ల తెలుగులో సహజంగానే పక్షపాత ధోరణి వుందని భావిస్తున్నారా?
౼ నా కెరీర్ బాలీవుడ్ లో మొదలవ్వడంతో అక్కడ ఎలాంటి పక్షపాతం వుందో నాకో ఐడియా వుంది. అక్కడ నేను చూశాను. కానీ ఇక్కడ ఎలాంటి సవాళ్ళు ఉంటాయో తెలీదు.
* 'మేజర్' లో మీ పాత్ర ఎలా వుండబోతుంది?
౼ 'మేజర్' లో ప్రమోద అనే పాత్రలో కనిపిస్తాను. సినిమాలో ఒక పక్క సందీప్ జీవితం చూపిస్తూ.. మరో పక్క 26/11 దాడులు - తాజ్ ఇన్సిడెంట్ ని సమాంతరంగా చూపిస్తారు. నేను 26/11 ఎటాక్స్ లో బందీగా కనిపిస్తా. భయం - ఏడుపు - ధైర్యం - నమ్మకం - ఆశ - నిరాశ.. ఇలా బోలెడు కోణాలు నా పాత్రలో కనిపిస్తాయి. భావోద్వేగాలలో చాలా బరువైన పాత్ర. నిజ జీవితంలో ఒక వ్యక్తి దాడులని, బాధని ఎదుర్కొన్నారు. కాబట్టి కేవలం సినిమాటిక్ గా కాకుండా ఒక బాధ్యతతో చేసిన పాత్ర ఇది.
* 'మేజర్' లో మీ పాత్ర చేయడానికి ఎలాంటి హోం వర్క్ చేశారు?
౼ నిజ జీవితంలో జరిగిన సంఘటనల ఆధారంగా సినిమా చేస్తున్నపుడు రిఫరెన్స్ వుండదు. కానీ ఒక యాక్టర్ గా నేను బలంగా నమ్మేది ఏమిటంటే.. ఇది యదార్ధంగా జరిగింది. నేను చేస్తున్న పాత్ర బాధ - భయాన్ని ఒకరు నిజంగా అనుభవించారు. ఈ ఘటన తర్వాత వారి జీవితం పూర్తిగా మారిపోయింది. వారికి గౌరవం ఇవ్వాలి అని ఈ పాత్రని పూర్తిగా మనసు పెట్టి చేశా. నా కెరీర్ లో కన్నీళ్ళ కోసం నేను ఎప్పుడూ గ్లిజరిన్ వాడలేదు. ఈ కథని అనుభవించిన తర్వాత జీవితంలో నాకు గ్లిజరిన్ అవసరం వుండదు.
* అడవి శేష్ కి మీరు లక్కీ చార్మ్ అనుకోవచ్చా?
౼ ఇలా అనుకోవడం మంచిదేగా (నవ్వుతూ)
* ఒక ఆర్మీ సోల్జర్ కథ చేసినప్పుడు దాదాపు ఒకేలా అనిపిస్తాయి కదా.. 'మేజర్: లో వున్న కొత్తదనం ఏంటి?
౼ ఆర్మీ కథలు ఒక యుద్ధం లేదా ఒక సంఘటన మీద వుంటాయి. అయితే మేజర్ సందీప్ పర్శనల్ గా చాలా కలర్ ఫుల్.. ఫిల్మీ. అమ్మాయిలందరికీ అతనంటే క్రష్ వుండేది. అతనికి సినిమాలంటే ఇష్టం. మేజర్ సందీప్ లైఫ్ లో చాలా కమర్షియల్ ఎలిమెంట్స్ వున్నాయి. తన దగ్గర వున్న డబ్బులన్నీ స్నేహితుడికి ఇచ్చేసి రెండు రోజులు ఆకలితో రైలు ప్రయాణం చేసిన వ్యక్తి సందీప్. ఇలాంటి కమర్షియల్ హీరోయిజం సన్నివేశాలు సందీప్ పర్శనల్ లైఫ్ లో చాలా వున్నాయి. సినిమాకి అడ్డువస్తాయేమోనని చాలా సీన్స్ కట్ చేయాల్సి వచ్చింది. ఒకవైపు సందీప్ పర్శనల్ లైఫ్ చూపిస్తూ మరోపక్క ఎటాక్ ని చూపించారు. అందరూ తప్పకుండా చూడాల్సిన సినిమా 'మేజర్'. చాలా సోల్ ఫుల్ గా తీశాం.
* 26/11 గురించి చాలా సినిమాలు వచ్చాయి.. కొన్ని ఆదరణ కూడా పొందాయి. 'మేజర్' వాటికి ఎంత భిన్నంగా ఉంటుంది?
౼ మేజర్ సందీప్ ఎలా బ్రతికారు.. ఎంత ధైర్యంగా నిలబడ్డారనేది ఈ చిత్రంలో చూస్తారు. ఎంత కష్టం వచ్చినా కూడా ధైర్యమైన మార్గాన్ని ఎంచుకునే సామర్ధ్యం అందరిలోనూ వుందనే విషయాన్ని 'మేజర్' సినిమా చూసిన ప్రేక్షకులు అనుభూతి చెందుతారు.
* మేజర్ సందీప్ గా మారడానికి అడివి శేష్ ఎలా ప్రిపేర్ అయ్యారు? మీరు గమనించిన అంశాలు ఏమైనా ఉన్నాయా?
౼ అడివి శేష్ చాలా కష్ట పడతారు. శరీరంలో చాలా మార్పులు ఉండేవి. బాడీని చూపించాలంటే ఒక ఒక మోటివేషన్ తో ఎవరైనా కష్టపడతారు. కానీ ఆర్మీ మ్యాన్ గా కనిపించడానికి బాడీని ప్రదర్శించాల్సిన అవసరం లేదు. కానీ అలా కనిపించాలంటే చాలా కష్టపడాలి. మేజర్ సందీప్ తల్లిదండ్రులకు ఈ కథ చాలా సున్నితమైన అంశం. వారు సినిమా చూసి గర్వపడాలనే ఉద్దేశంతో చాలా కష్టపడ్డాడు.
* మహేష్ బాబు లాంటి సూపర్ స్టార్ ఈ సినిమా నిర్మాణంలో భాగమయ్యారు. ఆయన నిర్మాణంలో పని చేయడం ఎలా అనిపించింది?
౼ నిజంగా అదృష్టంగా భావిస్తున్నా. మహేష్ బాబు గారిది గ్రేట్ కెరీర్. అలాంటి సూపర్ స్టార్ తన జీఏంబీ ఎంటర్టైన్మెంట్ లో మొదటిసారి బయట సినిమా చేశారు. ఇది మాకు గొప్ప ఎనర్జీ నింపింది. కరోనా సమయంలో చాలా ఆందోళన పడ్డాం. ఓటీటీకి వెళ్ళిపోతుందేమోనని భయపడ్డాం. కానీ మహేష్ బాబు గారు మాకు బ్యాక్ బోన్ గా నిలబడ్డారు. 'ఇది థియేటర్ సినిమా.. ఎట్టి పరిస్థితిల్లోనూ థియేటర్ లోనే విడుదలౌతుంది' అని చెప్పారు. ఆయన మార్గదర్శకం, ప్రోత్సాహం మాలో గొప్ప నమ్మకాన్ని నింపింది. మంచి నిర్మాణ సంస్థలో పని చేశాననే ఆనందం వుంది.
* 'గూడాచారి' తక్కువ బడ్జెట్ లో చేశారు.. కానీ 'మేజర్' కి స్కేల్ పెరిగింది. ఒక సినిమా స్కేల్ పెరగడంతో ఎలాంటి మార్పులుంటాయి?
౼ బడ్జెట్ ఇంతే అన్నప్పుడు దానికి తగ్గట్టుగా షూట్ చేస్తాం. ఇందులో కంప్లైంట్ ఏమీ వుండదు. బడ్జెట్ తక్కువ అవ్వడం నెగిటివ్ కాదు.. కొన్నిసార్లు టీంగా ఏర్పడి ఒక కసితో పని చేసే అవకాశం కూడా వుంటుంది. అయితే స్కేల్ పెరగడం అనేది మన ఎదుగుదలని చూపిస్తుంది. 'మేజర్' కోసం ఎనిమిది సెట్స్ వేశాం. ఒక సెట్ ఖరీదు కోటిన్నర. ''క్షణం సినిమా బడ్జెట్ కోటిన్నర అయితే.. ఈ ఒక్క సెట్ ఖరీదు కోటిన్నర. ఈ జర్నీ గొప్పగా అనిపిస్తుంది'' అని శేష్ అన్నాడు. కష్టపడితేనే మన మీద డబ్బులు పెట్టే ధీమా నిర్మాతకి వస్తుంది. ఒకొక్కమెట్టు ఎక్కడంలోనే ఆనందం వుంటుంది.
* 'గుడాచారి' కి 'మేజర్' కి దర్శకుడు శశి కిరణ్ లో ఎలాంటి మార్పులు గమనించారు?
౼ శశి కిరణ్ చాలా కూల్. ఏదైనా కూల్ గా ఆలోచిస్తారు. ప్రతి విషయంలో చాలా కాన్ఫిడెంట్ గా వుంటారు. ఆయన చాలా ఎమోషనల్ కూడా. ఎంతో ఎమోషనల్ కాకపొతే 'మేజర్' లాంటి సినిమా సాధ్యం కాదు. శశి ఈ స్టోరీకి హార్ట్ బీట్.
* మేజర్ సందీప్ ఫ్యామిలీని కలిశారా?
౼ నేను ఇంకా కలవలేదు. మా టీం కలిసింది. కొన్ని రషస్ చూశారు. సినిమాని చూసిన తర్వాత వారు ఎలా ఫీలౌతారో అనే ఎగ్జైట్మెంట్ వుంది.
* వరుసగా విజయాలు అందుకుంటున్నారు. ఒక తెలుగమ్మాయిగా ఎలా ఫీలౌతున్నారు?
౼ నచ్చిన పని చేయడం ఆనందంగా వుంది. నేను ఈ రంగంలోకి వస్తాననే ఆలోచన లేదు. ఫ్యామిలీలో సినిమా వాతావరణం లేదు. 'మిస్ ఇండియా' టైటిల్ గెలిచిన తర్వాత మోడలింగ్ చేశాను. కానీ మోడలింగ్ తృప్తిని ఇవ్వలేదు. తర్వాత నటనలోకి వచ్చాను. ఇది నాకు చాలా నచ్చింది. మంచి ఆవకాశాలు రావడం ఇంకా ఆనందంగా వుంది.
* ఎలాంటి పాత్రలు చేయాలని వుంది?
౼ నాకు హిస్టారికల్ పాత్రలు చేయాలని వుంది. 'పొన్నియన్ సెల్వన్' తో ఆ కోరిక కొంతవరకూ తీరింది. అందులో నా పాత్ర బావుంటుంది. నేను క్లాసికల్ డ్యాన్సర్ ని. మొదటిసారి అందులో డ్యాన్స్ ప్రదర్శించే అవకాశం వచ్చింది. అలాగే హ్యాపీగా వుండే పాత్రలు చేయాలని వుంది. కానీ చాలా వరకూ సీరియస్ పాత్రలే వచ్చాయి. మొదట్లో నాకు పాత్రని ఎంచుకునే అవకాశం వుండేది కాదు. వచ్చిన పాత్రలో మంచిదేదో ఎంచుకొని చేశాను. ఐతే ఇప్పుడు అన్నీ రకాల పాత్రలు చేయడానికి దర్శక, నిర్మాతలు, ప్రేక్షకుల నమ్మకాన్ని పొందాననే భావిస్తున్నాను.
* 'మేజర్' ప్రాజెక్ట్ లోకి ఎలా వచ్చారు?
౼ 'గూడచారి' సినిమా చేస్తున్నపుడే హీరో అడవి శేష్ లో మేజర్ సందీప్ ఉన్నికృష్ణన్ అంటే ఒక ఆరాధన భావం గమనించాను. మేజర్ సందీప్ ఉన్నికృష్ణన్ జీవితంపై శేష్ ఎప్పటి నుండో రీసెర్చ్ చేస్తున్నారు. గూడచారి షూటింగ్ లో సందీప్ జీవితం గురించి చాలా ఆసక్తికరమైన సంగతులు చెప్పేవారు. ఐతే ఈ సినిమాలో నేను కూడా చేస్తానని అప్పుడు తెలీదు. ఒక విధంగా ఈ కథకి నేనే ఫస్ట్ ఆడియన్.
* 'గూడచారి' తర్వాత తెలుగులో సినిమాలు చేయకపోవడానికి కారణం?
౼ నాకూ తెలుగులో ఎక్కువ సినిమాలు చేయాలనే వుంది. ఈ గ్యాప్ కి కరోనా ఒక కారణంగా భావిస్తా. కరోనా లేకపోతే 'మేజర్' ఏడాది క్రితమే వచ్చేది. ఐతే సౌత్ లో 'కురుప్' సినిమా చేశా. అలాగే మణిరత్నం గారితో 'పొన్నియన్ సెల్వన్' చేస్తున్నా. చుట్టుపక్కల అన్ని రాష్ట్రాల్లో చేస్తున్నా కానీ.. తెలుగులోనే ఐతే సరిగ్గా కుదరడం లేదు. అయితే రానున్న రోజుల్లో తెలుగులో కూడా ఎక్కువ సినిమాలు చేయాలని ఆశిస్తున్నా.
* స్థానిక నటుల పట్ల తెలుగులో సహజంగానే పక్షపాత ధోరణి వుందని భావిస్తున్నారా?
౼ నా కెరీర్ బాలీవుడ్ లో మొదలవ్వడంతో అక్కడ ఎలాంటి పక్షపాతం వుందో నాకో ఐడియా వుంది. అక్కడ నేను చూశాను. కానీ ఇక్కడ ఎలాంటి సవాళ్ళు ఉంటాయో తెలీదు.
* 'మేజర్' లో మీ పాత్ర ఎలా వుండబోతుంది?
౼ 'మేజర్' లో ప్రమోద అనే పాత్రలో కనిపిస్తాను. సినిమాలో ఒక పక్క సందీప్ జీవితం చూపిస్తూ.. మరో పక్క 26/11 దాడులు - తాజ్ ఇన్సిడెంట్ ని సమాంతరంగా చూపిస్తారు. నేను 26/11 ఎటాక్స్ లో బందీగా కనిపిస్తా. భయం - ఏడుపు - ధైర్యం - నమ్మకం - ఆశ - నిరాశ.. ఇలా బోలెడు కోణాలు నా పాత్రలో కనిపిస్తాయి. భావోద్వేగాలలో చాలా బరువైన పాత్ర. నిజ జీవితంలో ఒక వ్యక్తి దాడులని, బాధని ఎదుర్కొన్నారు. కాబట్టి కేవలం సినిమాటిక్ గా కాకుండా ఒక బాధ్యతతో చేసిన పాత్ర ఇది.
* 'మేజర్' లో మీ పాత్ర చేయడానికి ఎలాంటి హోం వర్క్ చేశారు?
౼ నిజ జీవితంలో జరిగిన సంఘటనల ఆధారంగా సినిమా చేస్తున్నపుడు రిఫరెన్స్ వుండదు. కానీ ఒక యాక్టర్ గా నేను బలంగా నమ్మేది ఏమిటంటే.. ఇది యదార్ధంగా జరిగింది. నేను చేస్తున్న పాత్ర బాధ - భయాన్ని ఒకరు నిజంగా అనుభవించారు. ఈ ఘటన తర్వాత వారి జీవితం పూర్తిగా మారిపోయింది. వారికి గౌరవం ఇవ్వాలి అని ఈ పాత్రని పూర్తిగా మనసు పెట్టి చేశా. నా కెరీర్ లో కన్నీళ్ళ కోసం నేను ఎప్పుడూ గ్లిజరిన్ వాడలేదు. ఈ కథని అనుభవించిన తర్వాత జీవితంలో నాకు గ్లిజరిన్ అవసరం వుండదు.
* అడవి శేష్ కి మీరు లక్కీ చార్మ్ అనుకోవచ్చా?
౼ ఇలా అనుకోవడం మంచిదేగా (నవ్వుతూ)
* ఒక ఆర్మీ సోల్జర్ కథ చేసినప్పుడు దాదాపు ఒకేలా అనిపిస్తాయి కదా.. 'మేజర్: లో వున్న కొత్తదనం ఏంటి?
౼ ఆర్మీ కథలు ఒక యుద్ధం లేదా ఒక సంఘటన మీద వుంటాయి. అయితే మేజర్ సందీప్ పర్శనల్ గా చాలా కలర్ ఫుల్.. ఫిల్మీ. అమ్మాయిలందరికీ అతనంటే క్రష్ వుండేది. అతనికి సినిమాలంటే ఇష్టం. మేజర్ సందీప్ లైఫ్ లో చాలా కమర్షియల్ ఎలిమెంట్స్ వున్నాయి. తన దగ్గర వున్న డబ్బులన్నీ స్నేహితుడికి ఇచ్చేసి రెండు రోజులు ఆకలితో రైలు ప్రయాణం చేసిన వ్యక్తి సందీప్. ఇలాంటి కమర్షియల్ హీరోయిజం సన్నివేశాలు సందీప్ పర్శనల్ లైఫ్ లో చాలా వున్నాయి. సినిమాకి అడ్డువస్తాయేమోనని చాలా సీన్స్ కట్ చేయాల్సి వచ్చింది. ఒకవైపు సందీప్ పర్శనల్ లైఫ్ చూపిస్తూ మరోపక్క ఎటాక్ ని చూపించారు. అందరూ తప్పకుండా చూడాల్సిన సినిమా 'మేజర్'. చాలా సోల్ ఫుల్ గా తీశాం.
* 26/11 గురించి చాలా సినిమాలు వచ్చాయి.. కొన్ని ఆదరణ కూడా పొందాయి. 'మేజర్' వాటికి ఎంత భిన్నంగా ఉంటుంది?
౼ మేజర్ సందీప్ ఎలా బ్రతికారు.. ఎంత ధైర్యంగా నిలబడ్డారనేది ఈ చిత్రంలో చూస్తారు. ఎంత కష్టం వచ్చినా కూడా ధైర్యమైన మార్గాన్ని ఎంచుకునే సామర్ధ్యం అందరిలోనూ వుందనే విషయాన్ని 'మేజర్' సినిమా చూసిన ప్రేక్షకులు అనుభూతి చెందుతారు.
* మేజర్ సందీప్ గా మారడానికి అడివి శేష్ ఎలా ప్రిపేర్ అయ్యారు? మీరు గమనించిన అంశాలు ఏమైనా ఉన్నాయా?
౼ అడివి శేష్ చాలా కష్ట పడతారు. శరీరంలో చాలా మార్పులు ఉండేవి. బాడీని చూపించాలంటే ఒక ఒక మోటివేషన్ తో ఎవరైనా కష్టపడతారు. కానీ ఆర్మీ మ్యాన్ గా కనిపించడానికి బాడీని ప్రదర్శించాల్సిన అవసరం లేదు. కానీ అలా కనిపించాలంటే చాలా కష్టపడాలి. మేజర్ సందీప్ తల్లిదండ్రులకు ఈ కథ చాలా సున్నితమైన అంశం. వారు సినిమా చూసి గర్వపడాలనే ఉద్దేశంతో చాలా కష్టపడ్డాడు.
* మహేష్ బాబు లాంటి సూపర్ స్టార్ ఈ సినిమా నిర్మాణంలో భాగమయ్యారు. ఆయన నిర్మాణంలో పని చేయడం ఎలా అనిపించింది?
౼ నిజంగా అదృష్టంగా భావిస్తున్నా. మహేష్ బాబు గారిది గ్రేట్ కెరీర్. అలాంటి సూపర్ స్టార్ తన జీఏంబీ ఎంటర్టైన్మెంట్ లో మొదటిసారి బయట సినిమా చేశారు. ఇది మాకు గొప్ప ఎనర్జీ నింపింది. కరోనా సమయంలో చాలా ఆందోళన పడ్డాం. ఓటీటీకి వెళ్ళిపోతుందేమోనని భయపడ్డాం. కానీ మహేష్ బాబు గారు మాకు బ్యాక్ బోన్ గా నిలబడ్డారు. 'ఇది థియేటర్ సినిమా.. ఎట్టి పరిస్థితిల్లోనూ థియేటర్ లోనే విడుదలౌతుంది' అని చెప్పారు. ఆయన మార్గదర్శకం, ప్రోత్సాహం మాలో గొప్ప నమ్మకాన్ని నింపింది. మంచి నిర్మాణ సంస్థలో పని చేశాననే ఆనందం వుంది.
* 'గూడాచారి' తక్కువ బడ్జెట్ లో చేశారు.. కానీ 'మేజర్' కి స్కేల్ పెరిగింది. ఒక సినిమా స్కేల్ పెరగడంతో ఎలాంటి మార్పులుంటాయి?
౼ బడ్జెట్ ఇంతే అన్నప్పుడు దానికి తగ్గట్టుగా షూట్ చేస్తాం. ఇందులో కంప్లైంట్ ఏమీ వుండదు. బడ్జెట్ తక్కువ అవ్వడం నెగిటివ్ కాదు.. కొన్నిసార్లు టీంగా ఏర్పడి ఒక కసితో పని చేసే అవకాశం కూడా వుంటుంది. అయితే స్కేల్ పెరగడం అనేది మన ఎదుగుదలని చూపిస్తుంది. 'మేజర్' కోసం ఎనిమిది సెట్స్ వేశాం. ఒక సెట్ ఖరీదు కోటిన్నర. ''క్షణం సినిమా బడ్జెట్ కోటిన్నర అయితే.. ఈ ఒక్క సెట్ ఖరీదు కోటిన్నర. ఈ జర్నీ గొప్పగా అనిపిస్తుంది'' అని శేష్ అన్నాడు. కష్టపడితేనే మన మీద డబ్బులు పెట్టే ధీమా నిర్మాతకి వస్తుంది. ఒకొక్కమెట్టు ఎక్కడంలోనే ఆనందం వుంటుంది.
* 'గుడాచారి' కి 'మేజర్' కి దర్శకుడు శశి కిరణ్ లో ఎలాంటి మార్పులు గమనించారు?
౼ శశి కిరణ్ చాలా కూల్. ఏదైనా కూల్ గా ఆలోచిస్తారు. ప్రతి విషయంలో చాలా కాన్ఫిడెంట్ గా వుంటారు. ఆయన చాలా ఎమోషనల్ కూడా. ఎంతో ఎమోషనల్ కాకపొతే 'మేజర్' లాంటి సినిమా సాధ్యం కాదు. శశి ఈ స్టోరీకి హార్ట్ బీట్.
* మేజర్ సందీప్ ఫ్యామిలీని కలిశారా?
౼ నేను ఇంకా కలవలేదు. మా టీం కలిసింది. కొన్ని రషస్ చూశారు. సినిమాని చూసిన తర్వాత వారు ఎలా ఫీలౌతారో అనే ఎగ్జైట్మెంట్ వుంది.
* వరుసగా విజయాలు అందుకుంటున్నారు. ఒక తెలుగమ్మాయిగా ఎలా ఫీలౌతున్నారు?
౼ నచ్చిన పని చేయడం ఆనందంగా వుంది. నేను ఈ రంగంలోకి వస్తాననే ఆలోచన లేదు. ఫ్యామిలీలో సినిమా వాతావరణం లేదు. 'మిస్ ఇండియా' టైటిల్ గెలిచిన తర్వాత మోడలింగ్ చేశాను. కానీ మోడలింగ్ తృప్తిని ఇవ్వలేదు. తర్వాత నటనలోకి వచ్చాను. ఇది నాకు చాలా నచ్చింది. మంచి ఆవకాశాలు రావడం ఇంకా ఆనందంగా వుంది.
* ఎలాంటి పాత్రలు చేయాలని వుంది?
౼ నాకు హిస్టారికల్ పాత్రలు చేయాలని వుంది. 'పొన్నియన్ సెల్వన్' తో ఆ కోరిక కొంతవరకూ తీరింది. అందులో నా పాత్ర బావుంటుంది. నేను క్లాసికల్ డ్యాన్సర్ ని. మొదటిసారి అందులో డ్యాన్స్ ప్రదర్శించే అవకాశం వచ్చింది. అలాగే హ్యాపీగా వుండే పాత్రలు చేయాలని వుంది. కానీ చాలా వరకూ సీరియస్ పాత్రలే వచ్చాయి. మొదట్లో నాకు పాత్రని ఎంచుకునే అవకాశం వుండేది కాదు. వచ్చిన పాత్రలో మంచిదేదో ఎంచుకొని చేశాను. ఐతే ఇప్పుడు అన్నీ రకాల పాత్రలు చేయడానికి దర్శక, నిర్మాతలు, ప్రేక్షకుల నమ్మకాన్ని పొందాననే భావిస్తున్నాను.