ఒక్కోసారి అంతే.. ఏ.ఆర్.రెహ్మాన్ వంటి జాదూగాళ్ళు చేసే మాయ మామూలుగా ఉండదు. మనం స్పెల్ బౌండ్ అయిపోతాం అంతే. ఇప్పుడు ''సాహసం శ్వాసగా సాగిపో'' సినిమా కోసం ఈయన కంపోజ్ చేసిన ''చకోరి'' అనే పాట వింటుంటే మాత్రం అలాగే మతిపోతోంది. ఇంకా రిలీజ్ డేట్ కన్ఫామ్‌ అవ్వని ఈ సినిమా తాలూకు పాటలు మాత్రం నిధానంగా సూపర్ హిట్ అయిపోతున్నాయిలే.
'చకోరి' అనే సాంగ్ కోసం రెహ్మాన్ చాలా రీ వర్క్ చేశాడట. ముందుగా వీళ్ళకు ఒక డమ్మీ వర్షన్ ఇచ్చేయగా.. వాటి కోసం ఇవాళ రిలీజ్ చేసిన మేకింగ్ వీడియోలో మనం చూస్తున్న బ్రిలియంట్‌ విజువల్స్ చాలా షూట్‌ చేశాడు దర్శకుడు గౌతమ్ మీనన్. కేవలం మేకింగ్ వీడియో చూస్తుంటేనే మనకు బీభత్సమైన కిక్ వచ్చేస్తుందంటే.. ఫైనల్‌ కాపీ చూసిన రెహ్మాన్ పరిస్థితి ఊహించండి. అందుకే వెంటనే మనోడు తాను కంపోజ్ చేసిన పాటలో పాత కాలం నాటి క్లాసిక్ మ్యూజిక్ ను జోడించి.. ఆ ఫ్యూజన్ ను అద్భుతంగా క్రియేట్ చేశాడు రెహ్మాన్. ఖచ్చితంగా ఈపాట తెలుగులో ఒక ఆల్ టైమ్ బ్లాకబస్టర్‌ అవుతుందని మ్యూజిక్ లవర్స్ అంటున్నారు.