యాక్ష‌న్ మేకింగ్ ఆఫ్ రామారావు ఆన్ డ్యూటీ

మాస్ మ‌హారాజా ర‌వితేజ న‌టిస్తున్న హై వోల్టేజ్ యాక్షన్ ఎంట‌ర్ టైన‌ర్ 'రామారావు ఆన్ డ్యూటీ'. పొలిటిక‌ల్ యాక్ష‌న్ ఎంట‌ర్ టైన‌ర్ గా తెర‌కెక్కిన ఈ మూవీ ద్వారా శ‌ర‌త్ మండ‌వ ద‌ర్శ‌కుడిగా ప‌రిచ‌యం అవుతున్నారు. 'జైభీమ్' ఫేమ్ ర‌జీషా విజ‌య‌న్‌, 'మ‌జిలీ' ఫేమ్ దివ్యాన్ష‌కౌశిక్ హీరోయిన్ లుగా న‌టిస్తున్నారు.  భారీ అంచ‌నా మ‌ధ్య రూపొందుతున్న ఈ మూవీని ఎస్‌.ఎల్ వీ సినిమాస్ బ్యాన‌ర్, ఆర్ టీ టీమ్ వ‌ర్క్స్ బ్యాన‌ర్ ల‌పై సుధాక‌ర్ చెరుకూరి నిర్మిస్తున్నారు.

ర‌వితేజ కెరీర్ లో మ‌రో మాసీవ్ యాక్ష‌న్ ఎంట‌ర్ టైన‌ర్ గా తెర‌కెక్కిన ఈ సినిమాని జూలై 29న భారీ స్థాయిలో రిలీజ్ చేయ‌బోతున్నారు. ఈ నేప‌థ్యంలో ఈ మూవీ ప్ర‌మోషన్స్ ని మేక‌ర్స్ ప్రారంభించారు. మాస్ మ‌హారాజా ర‌వితేజ డిప్యూటీ క‌లెక్ట‌ర్ గా రామారావు అనే ప‌వ‌ర్ ఫుల్ పాత్ర‌లో న‌టిస్తున్నారు. ఇటీవ‌ల విడుద‌ల చేసిన ఈ మూవీ టీజ‌ర్ సినిమాపై అంచ‌నాల్నిపెంచేసింది. విక్ర‌మార్కుడు, క్రాక్ వంటి హై వోల్టేజ్ యాక్ష‌న్ ఎంట‌ర్ టైన‌ర్ ల త‌ర‌హాలో రూపొందుతున్న ఈ మూవీ మ‌ళ్లీ ర‌వితేజ‌కు ఆ స్థాయి స‌క్సెస్ ని అందిస్తుంద‌ని చెబుతున్నారు.

గ‌త కొన్ని రోజులుగా మేకింగ్ ప‌రంగానూ, హీరో ర‌వితేజ కార‌ణంగానూ ఈ మూవీ రిలీజ్ వాయిదా ప‌డుతూ వ‌స్తోందంటూ ర‌క ర‌కాల ఊహాగానాలు వినిపించాయి. అయితే వాట‌న్నింటికీ చెక్ పెడుతూ మేక‌ర్స్ ఈ మూవీని ఎట్ట‌కేల‌కు జూలై 29న ప్రేక్ష‌కుల ముందుకు రాబోతున్నామ‌ని ప్ర‌క‌టించారు. అప్ప‌టి నుంచి ప్ర‌మోష‌న్స్ ని స్పీడ‌ప్ చేస్తూ సినిమాపై అంచ‌నాల్ని పెంచేస్తున్నారు. దాదాపు తొమ్మిదేళ్ల విరామం త‌రువాత హీరో వేణు ఈ చిత్రంలో పోలీస్ ఆఫీస‌ర్ గా నటిస్తూ రీ ఎంట్రీ ఇస్తున్నారు.

ఇదిలా వుంటే ఈ మూవీ రిలీజ్ కు స‌మ‌యం ద‌గ్గ‌ర‌ప‌డుతున్న నేఫ‌థ్యంలో మీడియా ప్ర‌మోష‌న్స్ ని స్టార్ట్ చేసిన మేక‌ర్స్ బుధ‌వారం 'యాక్ష‌న్ మేకింగ్ ఆఫ్ రామారావు ఆన్ డ్యూటీ' పేరుతో ఈ మూవీ మేకింగ్ వీడియోని విడుద‌ల చేసింది. ప‌వ‌ర్ ఫుల్ యాక్ష‌న్ ఎంట‌ర్ టైన‌ర్ కావ‌డంతో ప్ర‌ధానంగా యాక్ష‌న్ ఘ‌ట్టాల‌కు సంబంధించిన మేకింగ్ వీడియోని విడుద‌ల చేశారు. ఇంటెన్స్ యాక్ష‌న్ సీక్వెన్స్ నేఫ‌థ్యంలో చిత్రీక‌రించిన స‌న్నివేశాలు, ర‌వితేజ, ద‌ర్శ‌కుడు శ‌ర‌త్ మండ‌వ‌, చిత్ర బృందం ఈ మూవీ కోసం ప‌డిన శ్ర‌మ క‌ళ్ల‌కు క‌ట్టిన‌ట్టుగా క‌నిపిస్తోంది.

మేకింగ్ వీడియో చూస్తుంటే 'రామారావు ఆన్ డ్యూటీ'తో ర‌వితేజ అభిమానుల‌కు మాస్ ట్రీట్ ఇవ్వ‌బోతున్న‌ట్టుగా స్ప‌ష్ట‌మ‌వుతోంది. ఇదిలా వుంటూ ఈ మూవీ థియేట్రిక‌ల్‌ ట్రైల‌ర్ ని జూలై 16న రిలీజ్ చేయ‌బోతున్నారు. దీంతో మాస్ మ‌హారాజా హంగామా మ‌రింత‌గా మొద‌లు కానున్న‌ట్టుగా తెలుస్తోంది.

ఇప్ప‌టికే హైప్ క్రియేట్ అయిన ఈ మూవీలోని ఇత‌ర పాత్ర‌ల్లో త‌నికెళ్ల భ‌ర‌ణి, నాజ‌ర్‌, న‌రేష్‌, జాన్ విజ‌య్‌, ప‌విత్ర లోకేష్‌, చైత‌న్య‌కృష్ణ‌, రాహుల్ రామ‌కృష్ణ‌, శ్రీ‌, మ‌ధుసూధ‌న్ రావు, సురేఖా వాణి త‌దిత‌రులు న‌టించారు. అన్వేషీ జైన్ ప్ర‌త్యేక గీతంలో న‌టించిన విషయం తెలిసిందే.