కేక పుట్టిస్తున్న కెవ్వుకేక బ్యూటీ ఆసనాలు!!

బాలీవుడ్ భామ మ‌లైకా అరోరా.. పేరు వింటేనే టాలీవుడ్ సినీ ప్రేక్ష‌కుల‌కు కెవ్వుకేక అనే పదం గుర్తొస్తుంది. అప్పట్లో షారుఖ్ ఖాన్ తో ఛ‌య్య ఛ‌య్య పాటకు చిందేసిన మలైకా.. తెలుగులో మహేష్ బాబుతో రాత్రైనా నాకు ఓకే, పవన్ కళ్యాణ్ తో కెవ్వుకేక అంటూ ఐటమ్ సాంగ్స్ తో ఒక ఊపు ఊపేసింది. మలైకా చేసిన రెండు పాట‌లు తెలుగులో సూప‌ర్ హిట్టే. ముఖ్యంగా బాలీవుడ్ ఇండస్ట్రీలో మలైకా ఐటమ్ పాటలకు ప్రత్యేక ఫ్యాన్ బేస్ ఉంది. ప్రస్తుతం నలభై ఏడేళ్ల వయసు మీద పడిన మలైకా.. ఈ జనరేషన్ కుర్ర హీరోయిన్ల‌తో స‌మానంగా క్రేజ్ దక్కించుకుంటోంది. అమ్మడి ఏజ్ యాభైకి దగ్గర పడుతున్నా ఫామ్ లో ఉన్న హీరోయిన్లు కుళ్ళుకునే విధంగా ఫిజిక్ మెయింటైన్ చేస్తుంది.

మలైకా ఫిట్నెస్ కి చాలా ప్రాధాన్యత ఇస్తుంది. అంత ప్రాధాన్యత ఇస్తుంది కాబట్టే ఆ రేంజి ఫిజిక్ కలిగి ఉంది. ఇక సోషల్ మీడియాలో మలైకా అందాలకు వీరాభిమానులు లక్షలలో ఉన్నారు. అందుకే సోషల్ మీడియాలో మలైకా ఫోటోలు కనిపిస్తే ఇట్టే వైరల్ అవుతుంటాయి. తాజాగా మలైకా వ్యాయామం చేస్తున్న పిక్ ఒకటి ఇంస్టాగ్రామ్ లో పోస్ట్ చేసింది. వెనక్కి తిరిగి ఉన్న మలైకా బ్యాక్ టాప్ టు బాటమ్ వయ్యారాలను నెటిజన్లు కళ్ళతో బంధిస్తున్నారు. ఎవరు ఏం చేసినా వర్కవుట్స్ మాత్రం మానడం లేదు ఈ ముదురు భామ. కొన్నేళ్ల క్రితం మాజీ భ‌ర్త అర్భాజ్ ఖాన్ తో విడాకులు తీసుకున్న మలైకా.. ప్రస్తుతం బాలీవుడ్ యంగ్ హీరో అర్జున్ క‌పూర్ తో ఎఫైర్ న‌డుపుతుంది. ఒకవైపు సినిమాలు చేస్తూనే మ‌రోవైపు ఫోటోషూట్ల‌తో వైరల్ అవుతోంది మలైకా. ప్రస్తుతం మలైకా ఆసనాలు నెట్టింట తెగ వైరల్ అవుతున్నాయి.