పోటుగాడు మళ్ళీ చూసుకోలేదు!!

చాలామంది హీరోలు చాలా వెరైటీగా బిహేవ్ చేస్తుంటారు. ఒకప్పుడు చిరంజీవి వంటి హీరోలు తాము చేసిన సినిమాను ఒకటి పదిమార్లు ఎడిటింగ్ టేబుల్ దగ్గర.. రీ-రికార్డింగ్ స్టూడియోల్లోనూ చూసుకుని.. అంతా ఓకె అనుకున్నాక రిలీజ్ చేసేవారు. కాని ఇప్పుడు మాత్రం పవన్ కళ్యాణ్‌ వంటి స్టార్లు అయితే.. తమ సినిమా రిలీజైన రెండు వారాలకు కాని తామే చూసుకోవట్లేదు. అలాగే మంచు మనోజ్ కూడా ఇదే కోవకి చెందుతాడట.

నిజానికి మనోడు తన సినిమాలన్నీ తాను రిలీజ్ కు ముందే చూసుకుంటాడు కాని.. కొన్ని సినిమాలను మాత్రం రిలీజయ్యాక కూడా చాలాసార్లు చూస్తాడట. అయితే ఇప్పటివరకు ''పోటుగాడు'' సినిమాను మాత్రం ఒక్కసారి కూడా రిలీజ్ అయిన తరువాత చూడలేదు అంటున్నాడు. ముగ్గురు అమ్మాయిలతో ప్రేమాయణం.. పైగా ముగ్గురు హీరోయిన్లు కూడా రెచ్చిపోయి మరీ అందాలను ఆరేసేయడం.. కాస్త ఎడల్ట్ కంటెంట్.. మసాలా.. అబ్బో సినిమా ఒక లెవెల్లో ఉంటుందిలే. అయితే అలాంటి మాస్ కమర్షియల్ సినిమాలు చేయడం తనకు ఇష్టం ఉండదు అంటున్నాడు మనోజ్.

''నా లైఫ్‌ లో రేపు నా పిల్లలు మనవళ్ళకు నా సినిమాలు చూపించాలంటే.. నేను ప్రయాణం.. బిందాస్ వంటి సినిమాలను చూపిస్తాను. పోటుగాడు సినిమాను కేవలం కమర్షియల్ సక్సెస్ అవసరమై చేశాను. అందుకే ఆ సినిమాను ఎప్పుడూ వేసి చూసుకోలేదు. చూడను కూడా'' అంటూ సెలవిచ్చాడు మనోజ్.

Like Us on Facebook : https://www.facebook.com/Tupakidotcom/