బాహుబలి ఎన్ని సినిమాలపై ప్రభావం చూపిందో లెక్కే లేదు. ముందు ఏప్రిల్ అని.. ఆ తర్వాత మే అని.. చివరికి జులై 10న ప్రేక్షకుల ముందుకొచ్చింది ఈ సినిమా. బాహుబలి విడుదలను దృష్టిలో పెట్టుకుని తమ సినిమాల్ని షెడ్యూల్ చేసుకున్న చాలామంది నిర్మాతలు.. ఆ సినిమా వాయిదా పడటంతో గందరగోళానికి గురయ్యారు. చివరికి మహేష్ బాబు సైతం తన సినిమా ‘శ్రీమంతుడు’ను వాయిదా వేసుకున్నాడు. ఐతే బాహుబలి ప్రభంజనాన్ని ఊహించలేక జులైలో షెడ్యూల్ అయిన కొన్ని సినిమాల విడుదల గందరగోళంలో పడింది.
ఈ నెల 17న విడుదలకు సిద్ధమైన అల్లరి నరేష్ సినిమా ‘జేమ్స్ బాండ్’ 24కు వాయిదా పడింది. ఐతే 24న రావాలనుకున్న మంచు విష్ణు సినిమా ‘డైనమైట్’ పరిస్థితి ఎటూ తేలకుండా పోయింది. అల్లరి నరేష్‌కు పోటీ పెట్టడం ఎందుకనుకున్నాడో.. బాహుబలి జోరు అప్పటికీ తగ్గదనుకున్నాడో కానీ.. తన సినిమాను విష్ణు 31వ తేదీకి వాయిదా వేసేసుకున్నట్లు సమాచారం. ఐతే ఇంకో వారానికి మహేష్ సినిమా ‘శ్రీమంతుడు’ విడుదలవుతోంది. అంటే విష్ణు ఏం సాధించినా వారం రోజుల్లోనే అన్నమాట. ఇంతకుముందు బాహుబలి రావడానికి వారం ముందు తన సినిమాను షెడ్యూల్ చేసుకున్నా.. మరీ వారం రోజుల్లో ఏం కలెక్షన్లు వస్తాయనుకుని వాయిదా వేసుకున్న విష్ణు.. మళ్లీ ఆ తప్పే చేస్తున్నాడు. అలాగని శ్రీమంతుడు తర్వాత వద్దామనుకుంటే రుద్రమదేవి, కిక్-2 ఎప్పుడు ఖాళీ దొరుకుతుందా అని ఉన్నాయి. సైలెంటుగా 24న వచ్చేస్తే ఏ ఇబ్బందీ లేకపోయేది. ఇప్పుడు ఎటూ తేల్చుకోలేని పరిస్థితుల్లో పడిపోయాడు విష్ణు.
ఈ నెల 17న విడుదలకు సిద్ధమైన అల్లరి నరేష్ సినిమా ‘జేమ్స్ బాండ్’ 24కు వాయిదా పడింది. ఐతే 24న రావాలనుకున్న మంచు విష్ణు సినిమా ‘డైనమైట్’ పరిస్థితి ఎటూ తేలకుండా పోయింది. అల్లరి నరేష్‌కు పోటీ పెట్టడం ఎందుకనుకున్నాడో.. బాహుబలి జోరు అప్పటికీ తగ్గదనుకున్నాడో కానీ.. తన సినిమాను విష్ణు 31వ తేదీకి వాయిదా వేసేసుకున్నట్లు సమాచారం. ఐతే ఇంకో వారానికి మహేష్ సినిమా ‘శ్రీమంతుడు’ విడుదలవుతోంది. అంటే విష్ణు ఏం సాధించినా వారం రోజుల్లోనే అన్నమాట. ఇంతకుముందు బాహుబలి రావడానికి వారం ముందు తన సినిమాను షెడ్యూల్ చేసుకున్నా.. మరీ వారం రోజుల్లో ఏం కలెక్షన్లు వస్తాయనుకుని వాయిదా వేసుకున్న విష్ణు.. మళ్లీ ఆ తప్పే చేస్తున్నాడు. అలాగని శ్రీమంతుడు తర్వాత వద్దామనుకుంటే రుద్రమదేవి, కిక్-2 ఎప్పుడు ఖాళీ దొరుకుతుందా అని ఉన్నాయి. సైలెంటుగా 24న వచ్చేస్తే ఏ ఇబ్బందీ లేకపోయేది. ఇప్పుడు ఎటూ తేల్చుకోలేని పరిస్థితుల్లో పడిపోయాడు విష్ణు.