మెగా హీరో 'సెక్సీ' అంటున్నమంచు హీరో

ఇప్పటికే ధృవ సినిమా కోసం మెగా హీరో రామ్ చరణ్‌ క్రియేట్ చేసిన న్యూ లుక్ సంచలనం  సృష్టిస్తోంది. అయితే ఈ సినిమా కోసం చరణ్‌ ఎంతో కష్టపడి కొత్తగా సిక్స్ ప్యాక్ బాడీ తయారుచేసుకోవడం అనేది టాలీవుడ్ లో హాట్ టాపిక్ అయిపోయింది. ఎంతలా అంటే.. ఇతర హీరోలు కూడా ఇప్పుడు 'సెక్సీ'గా ఉన్నాడంటూ చెర్రీని పొగిడేస్తున్నారు.

ముందుగా ఈ కొత్త లుక్ చూసి షాక్ తిన్న తెలంగాణ మంత్రి కెటిఆర్ అలాగే ఇతర హీరోలైన రానా దగ్గుబాటి వంటి వారు చరణ్‌ డెడికేషన్ పై ప్రశంసలు కురిపించిన సంగతి తెలిసిందే. అయితే ఈ లుక్ చూసి మంచు విష్ణు కూడా స్టన్ అయ్యాడట. ''ఇది సెక్సీ లుక్ కాకపోతే ఏంటి? కేవలం కఠోర శ్రమ.. డెడికేషన్ తోనే ఇది సాధ్యం. చరణ్‌ కు హ్యాట్సాఫ్‌ చెప్పాల్సిందే. ఆల్ ది బెస్ట్ టు ధృవ'' అంటూ ట్వీట్లతో తన అభిమానాన్ని చాటేశాడు మంచు విష్ణు.

ఇదే తరహాలో చాలామంది సినిమా సెలబ్రిటీలు.. సినిమా లవర్స్ అందరూ పొగిడేస్తున్నారు. నిజానికి రామ్ చరణ్‌ చాలా షార్ట్ టైములో ఈ రేంజులో సిక్స్ ప్యాక్ చేయడం అనేది అనూహ్యమైన విషయమే. అయితే అందుకు సాయం చేసిన ట్రైనర్లకు భారీ రేంజులో చెల్లించుకోవాల్సి వచ్చిందట మరి.

Like Us on Facebook : https://www.facebook.com/Tupakidotcom/